Policia spanjolle ka goditur një grup kriminal shqiptarë, të cilët bënin ‘kërdinë’ me grabitje. Në pranga kanë rënë katër persona, të cilët kryenin grabitje me dhunë në banesa në Barcelonë dhe Madrid, teksa ruanin momentet kur nuk kishte njerëz brenda.
Shqiptarët e arrestuar janë në moshat nga 24 deri në 33 vjeç dhe rezultojnë me precedentë të mëparshme në vepra të ngjashme kriminale. Hetimet ndaj grupit kriminal kanë nisur në muajin maj të këtij viti, kur në Madrid u shënua në grabitje me armë zjarri.
Nga kjo ngjarje mbeti i plagosur pronari i banesës, i cili ndodhej në shtëpi së bashku me dy fëmijët dhe gruan, si dhe dy punonjës, ndërsa autorët arritën të merrnin bizhuteri, orë dhe dy armë zjarri. Nga hetimet e deritanishme ka rezultuar se katër shqiptarët janë autorë edhe të disa grabitjeve të tjera në vendet e Spanjës.
Mediat spanjolle raportojnë se të rinjtë hynin në banesa duke thyer dritaret ose dyert dhe shënjestronin kasafortat, ndërsa përdornin dhe dhunë ndaj personave që ishin brenda. Ende nuk bëhet i ditur identiteti i personave të arrestuar, por mediat kanë publikuar momentin e kryerjes së grabitjes së një banesa nga shqiptarët e rrezikshëm.
![](https://shqiptarja.com/template/img/NO_ALFA_Kuadrate shqiptarja.png)
![](https://www.shqiptarja.com/template/img/sh_logo1.png)