Juventus fitoi 2-0 me Interin në javën e 13 në Serie A. "Derbi i Italisë" foli për bardhezinjtë, që në Torino kthehen te suksesi në një ndeshje të rëndësishme ndaj një rivali në garën për titullin kampion. Ndeshja u vendos në pjesën e dytë, me Rabiot që kaloi në avantazh Juventusin pas 52 minutash lojë. Asisti i Kostic u shfrytëzua bukur nga francezi, që e ndali sferën pas krahëve të Onana. Në të 63 Juventus gjeti golin e dytë me Danilo, teksa VAR e anulloi për prekje të topit me dorë. Sfida do vendosej në minutën e 84 nga Fagioli, me talentin e Juves që shënoi pas asistit të Kostic. Veç dy pasimeve finale, serbi goditi edhe shtyllën. Tri pikët dërgojnë Juventusin në vendin e pestë me 25 pikë, duke kaluar Interin që qëndron në vendin e shtatë me 24 pikë.

 

S.Dh/Shqiptarja.com
  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera