POP 5

Lajmet më të lexuara të 5 minutave të fundit

Kronikë

Video/ Kanabisi, 3100 policë, 6901
kontrolle në sera,tunele dhe ish-depo

Në operacion masiv dy ditor në të gjithë vendin për parandalimin e kultivimit të bimëve narkotike janë angazhuar 3100 forca policore.  VIDEO  FOTO
Në një operacion masiv dy ditor në të gjithë vendin për parandalimin e kultivimit të bimëve narkotike janë angazhuar 3100 forca policore.
 
Operacioni nisi mëngjesin e datës 22 Shkurt dhe përfundoi në orën 19:00 të datës 23.02.2017.
 
Në shkallë vendi u ushtruan 6901 kontrolle në total, nga këto: 5113 sera, 235 tunele, 692 ish rezerva dhe magazina shtetërore, 314 ish reparte ushtarake, 258 banesa të pabanuara dhe 286 objekte të ndryshme.
 
Operacioni  i urdhëruar nga Ministri i Brendshëm, i cili është shtrirë në të gjithë vendin ka për qëllimin evidentimin dhe shkatërrimin e farishteve dhe kubikëve që mund të kultivojnë bimët narkotike.
 
Në çdo Drejtori Vendore të Policisë në Qarqe, u ngritën dhe funksionuan grupet e drejtimit dhe monitorimit, me pjesëmarrje edhe të strukturave të SHÇBA-së, Kufirit dhe Krimit të Organizuar.
 
Këto grupe drejtimi monitoruan në të gjithë territorin, kontrollin e ushtruar nga strukturat e Policisë së Shtetit.
 
Policia në bashkëpunim me kryetarët e fshatrave ushtruan kontrolle në sera, stalla, shtëpi të braktisura pasi mund të jenë vendet e mundshme për kultivimin e fidanëve të bimëve narkotike.
 
Kontrollet u ushtruan edhe në të gjitha tunelet e braktisura të ushtrisë, të ish rezervave të shtetit, si dhe në ambiente të tjera për të cilat disponoheshin informacione apo kishte dyshime se mund të përdoren për të kultivuar bimë narkotike në kubikë e fidanë.
 
Të gjitha ambientet që ishin me pronar pasi përfundoi kontrolli, pronarët firmosën deklaratë se këto ambiente nuk do të përdoren për kultivim të bimëve narkotike.
 
Edhe për ambientet dhe objektet pa pronar, është mbajtur procesverbal i firmosur nga pjesëtarët e grupeve të kontrollit.
 
Gjithashtu të gjitha ambientet apo objektet ep kontrolluara nga Policia gjatë këtij operacioni masiv, janë fotografuar dhe filmuar nga ekspertët e policisë.
 
Në të gjitha Drejtoritë Vendore të Policisë në Qarqe, u analizua dhe do analizohet edhe në ditët në vijim, çdo informacion policor apo i marrë nga komuniteti, në lidhje me personat që sigurojnë farën e bimës Cannabis Sativa, personat që e blejnë dhe kultivojnë bimë narkotike, personat që blejnë në farmacitë bujqësore pesticide antiparazitarë, që sigurojnë pleh organik dhe gota plastike me shumicë.
 
Kontrollet për parandalimin e kultivimit të bimëve narkotike do të vijojnë çdo ditë në territorin e çdo Drejtorie Vendore të Policisë së Qarqeve.

[gallery]21197[/gallery]

Redaksia Online
Al.N/Shqiptarja.com

/Shqiptarja.com
  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Murtaja afrikane, Veterinaria bllokon automjetet që transportojnë derra në tregun e Milotit dhe të Vaut të Dejës

Murtaja afrikane, Veterinaria bllokon automjetet që transportojnë derra në tregun e Milotit dhe të Vaut të Dejës

8 Janar, 17:08 nga Elvis Hila