POP 5

Lajmet më të lexuara të 5 minutave të fundit

Sport

VIDEO/ Mbrëmje shqiptarësh në Serie A! Marvin Çuni dhe Arijon Ibrahimoviç shënojnë, Berisha e Ismajli s’i ndalin dot sulmuesit

Frosinone fitoi 2-1 në shtëpi kundër Empolit, në kuadër të javës së 11-të në Serie A. Këtë pasdite në futbollin italian ishin sulmuesit shqiptarë që shkëlqyen, me Marvin Çunin dhe Arijon Ibrahimoviç që shënuan në portën e Berishës

Frosinone fitoi 2-1 në shtëpi kundër Empolit, në kuadër të javës së 11-të në Serie A. Këtë pasdite në futbollin italian ishin sulmuesit shqiptarë që shkëlqyen, me Marvin Çunin dhe Arijon Ibrahimoviç që shënuan në portën e Berishës.

Sfida nisi mirë për vendasit, me Çunin që shënoi pas vetëm 20 minutave lojë, por goli u anulua për pozicion jashtë loje. Fraksioni i parë u mbyll me rrjeta të paprekura.

Spektakli vijoi në të 58’, kur Ibrahimoviç asistoi për Çunin, me sulmuesin kuqezi që mposhti me thembër shokun e Kombëtares në portë, duke gjetur golin e parë në Serie A. Më pas ishte radha e Ibrahimoviç që shënoi me një “predhë” në hyrje të zonës në minutën e 74. Kur u duk se ndeshja do përfundonte, Caputo në të 86 shënoi për 2-1.

Kështu, Çuni dhe Ibrahimoviç mundën Berishën dhe Ismajlin, me Frosinonen që ngjitet në pozitën e 11 me 15 pikë. Nga ana tjetër Empoli me 7 pikë qëndron në vendin e parafundit.

 

 

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46