Ndeshja mes Tiranës dhe Skënderbeut në "Selman Stermas" ka përfunduar me një barazim 2 me 2, por në këtë ndeshje spektakli në fushë nuk ka munguar.
 
Tre gola vetëm në pjesën e parë, ku përveç numrit të golave, mbrojtësi i Tiranës, Erjon Hoxhallari ka arritur të shënojë një gol që rrallë herë mund të shihet në kampionatin shqiptar.
 
Hoxhallari jo vetëm që ka kaluar skuadrën e tij në avantazh vetëm pak minuta nga mbarimi i pjesës së parë, por ka mahnitur tifozët dhe sportdashësit me mënyrën e ekzekutimit të goditjes së dënimit.