TIRANË- Një ditë pas Konventës, Presidenti i Partisë së Lirisë, Ilir Meta ka lajmëruar ndryshimin e ngjyrave të logos së partisë. Teksa ka ndarë një video me ish-zv.kryeministren e Kosovës, Edita Tahiri, meta lajmëron edhe vendosjen e ngjyrës së gjelbër në logon e Partisë së Lirisë.
Sipas Metës, kjo ngjyrë simbolizon pranverën dhe rigjenerimin, ndërsa përmes Konventës synohet Rithemelimi i partisë.
“Kënaqësi e veçantë që pas Konventës së djeshme historike të Partisë së Lirisë, që do ta rivitalizojë atë në mënyrë të jashtëzakonshme, të shijojmë bashkë me znj. Edita Tahiri, gjelbërimin dhe lulet, në një ambient fantastik dhe madhështor për shkak të thjeshtësisë dhe origjinalitetit, në Priskë të Tiranës.
Me këtë rast shpreh kënaqësinë që ngjyrën e gjelbër të pranverës dhe rigjenerimit, nga dje e kemi pjesë të logos së Partisë të Lirisë! Ju urojmë një të diel të paqtë dhe të gëzuar me familjen dhe të dashurit tuaj”, shkruan Ilir Meta.
Ilir Meta mblodhi dje, 27 prill, Konventën Kombëtare për 6 orë me qëllim spastrimin e partisë nga ata që i quan 'tradhtarë' dhe shkëputje nga nepotizmi! Kryemadhi u tërhoq nga beteja politike me Ilir Metën ndërsa ai sulmoi ndërkombëtarët dhe Bashën. Presidenti i PL u vu re që nuk sulmoi SPAK, ndryshe nga herët e tjera.
Presidenti i Partisë së Lirisë, Ilir Meta ka uruar Erisa Xhixhon një ditë pas zgjedhjeve në Konventën Kombëtare. Në një garë pa surpriza, Erisa Xhixho u zgjodh zv.presidente e Partisë së Lirisë.
Meta e ka cilësuar tashmë Xhixhon si një prej njerëzve me të afërt dhe për këtë arsye e propozoi edhe për postin e zv.presidentes. Në një urim të gjatë në Facebook, Meta shkruan se Xhixho do ketë një rol të madh në organizmin e partisë, deri në zbatimin e vendimeve.
Meta thotë se Xhixho është e vendosur të çojë para synimin për të hapur partinë ndaj të gjithëve.
Postimi i plotë i Ilir Metës
Shumë urime të përzemërta për Erisa Xhixhon për zgjedhjen e saj shumë të merituar, të testuar dje përmes një gare të vërtetë me dy zonja të tjera të nderuara si Miranda Rira dhe Myrvete Asqeri. Me statutin e ri ajo si ZëvendësPresidente do të ketë kompetenca shumë të rëndësishme në drejtimin e Partisë të Lirisë. Kemi vendosur të jemi Partia më demokratike, më e hapur dhe më transparente, siç e panë të gjithë shqiptarët dje.
Por jemi të vendosur të jemi Partia më e organizuar dhe më ekzekutive në zbatimin e vendimeve që marrim. Prandaj Erisa do të jetë jo vetëm ZëvendësPresidente por edhe ZëvendësKomandante në zbatimin e vendimeve të Partisë të Lirisë.
Ajo ka kaluar më shumë se gjysmën e jetës të saj në Partinë e Lirisë dhe është themeluese e LSI, si unë dhe shumë të tjerë, por vetëm 17 vjeç si "petroninse". Duhet të ishte zgjedhur deputete për kontributet e saj të jashtëzakonshme, sidomos me LRI, shumë kohë më parë por kurrë nuk u ankua dhe as u demotivua.
Sot është edhe nënë me dy fëmijë të mrekullueshëm për të cilët duhet të kujdeset si çdo nënë, por edhe Pedagoge në Fakultetin e Drejtësisë, në Universitetin e Tiranës. Ndërkohë ka energji të pashtershme dhe pozitive për t'i përfshirë të gjithë dhe për të hapur Partinë e Lirisë siç bëri në kohën kur drejtonte LRI, që ishte organizata më e fuqishme në rajon.
Ajo fitoi gati me 90 përqind të votave kundër dy kandidateve që gëzojnë shumë simpati brenda Partisë të Lirisë dhe kjo është shumë domethënëse. Lidershipi i saj është testuar në momente shumë të vështira dhe ajo di të marrë përgjegjësi dhe të jetë jo vetëm e dashur dhe e buzëqeshur me të gjithë por edhe plot autoritet kur duhet.
Kjo e fundit ndoshta vjen edhe nga fakti se është mbesa e një prej komandantëve më të njohur të Zonës të Parë Operative gjatë Luftës Antifashiste dhe themeluesit të parë të Akademisë Ushtarake pas Çlirimit, Gjeneral Major Thoma Xhixho. Ajo është edhe familje Dëshmori, që kanë derdhur gjak për Çlirimin e vendit dhe e dinë çmimin e Lirisë sa i shtrenjtë është.
Unë besoj shumë se me lidershipin e saj shumë shpejt do të frymëzojë shumë gra, të rinj dhe të reja t'i bashkohen Partisë të Lirisë. Po kështu duhet t'u kërkoj ndjesë Eneas dhe dy fëmijëve të tyre për mungesën e saj. Por tani Erisa nuk u përket vetëm atyre por mbarë popullit të Lirisë! Për Xhixhon nuk kam ç'të them tjetër se e ka thënë Petrit Lulo: "Po the Gjirokastra i ke thënë të tëra"!
Komente
Lajme të tjera
-
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Iu sekuestruan vilat, Kryemadhi me bastun në Apelin e GJKKO: Më thanë dil nga shtëpia, do jetoj në çadër
16 Dhjetor, 12:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
VIDEO - Monika Kryemadhi në GjKKO, shpërthen ndaj gazetarëve: Na e morët shpirtin! S’na latë rehat me marr frymë
13 Dhjetor, 13:36 -
34-vjetori i themelimit të PD, Meta uron Berishën nga burgu: PD më e bashkuar! 2025 do të jetë viti i një ndryshimi historik
12 Dhjetor, 11:16 -
PD feston 34-vjetorin, Berisha ‘thur lavde’ për dhëndrin, Metën dhe ish-‘miqtë’ e tij të ndjerë Olldashi, Pashko, Hajdari dhe Bogdani
11 Dhjetor, 20:57
Bar do te hame, por Lalezin nuk e leshojme!
PërgjigjuEshte gjithashtu dhe ngjyra e skuadres tende te zemres,Celtic!
PërgjigjuPak nga pak do i vendosësh të gjitha ngjyrat e ylberit në logo se kështu të ka thënë Miçotaqis. Do mundohesh të vjedhësh votat e LGBTXYZ votuesve.
PërgjigjuI fut shirit jeshil, se do me u bo mullah!