"Mbreti i futbollit", Pele është përcjellë nga mijëra tifozë për në banesën e fundit. Në 29 dhjetor 2022 legjenda e futbollit ndërroi jetë në spitalin "Albert Einstein" në Sao Paolo, teksa për të dytën ditë në stadiumin "Urbano Caldeira" mijëra tifozë i dhanë lamtumirën legjendës së futbollit që fitoi tre herë Kupën e Botës me Brazilin.

Sipas klubit të Santos, mbi 150 mijë tifozë bënë homazhe për Pele, duke qenë pranë arkmortit me trupin e pajetë të 82-vjeçarit. Në orën 14:00 (me atë shqptare), Pele ka bërë udhëtimin e fundit mbi një zjarrfikëse (mbuluar me flamurin e Brazilit), në mënyrë që tifozët e shumtë që ndiqnin me lule makinën, të kishin mundësi të përshëndeteshin për herë të fundit me Pele.

Mijëra tifozë u vendosën krah rrugës, duke shoqëruar legjendën e futbollit për në banesën e fundit. Rrugët e Sao Paolos u pushtuan nga mjete dhe tifozë të shumtë, të cilët paralizuan trafikun, ndërsa forca të shumta sigurie u kujdesën që situata të normalizohej.

Mëngjesin e së martës në stadium për funeralin e Pele ishte edhe presidenti i Brazilit, Lula da Silva. Edson Arantes do Nascimento, i njohur si Pele konsiderohet gjerësisht si një nga lojtarët më të mëdhenj në histori dhe Brazili mbajti tre ditë zie kombëtare pas vdekjes së tij.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 9 Mars, 15:01

    PS nuk jep aprovimin për arrestimin e Ballukut, si e vlerësoni?

Lajme të tjera