Sport

VIDEO/ Interi fiton me Napolin dhe rihap Serie A, Milan dhe Sampdoria e nisin mbarë 2023! Roma bën detyrën, Juventus tri pikë në 'frymën e fundit'

Serie A zhvilloi javën e 16-të. Këtë të mërkurë futbolli italian rikthehet pas 52 ditëve pushim, kjo për shkak të Kupës së Botës në Katar. Futbolli italian ka nisur gjithçka në 12:30 me dy duele, teksa në të gjitha ndeshjet ka pasur një minutë heshtje në nder të Pele.

Festa e Milan

Redaksia 4 Janar 2023, 22:45

Në stadiumin "Arechi" në Salerno, Milan ia doli ta niste vitin mbarë duke marrë tri pikë. Kuqezinjtë e Piolit fituan 1-2 me Salernitanën. Kampionëve në fuqi të Italisë i janë dashur 15 minuta për të mbyllur llogaritë e ndeshjes. Leao në minutën e 10-të dhe Tonali në të 15 minutë bënë që pjesa e parë mos kishte histori. Në pjesën e dytë Diaz pa t'i anullohej një gol, ndërsa Bonazzoli në minutën e 83 shënoi për 1-2. Momentalisht Milan me 36 pikë mban vendin e dytë në klasifikim.

Sampdoria fitoi 1-2 në transfertë me Sassolon për javën e 16-të. Në "Mapei Stadium" në Reggio Emilia "dorianët" e Stankovic e kanë nisur vitin 2023 mbarë, duke u larguar disi nga fundi i tabelës. Ndeshja u hap në minutën e 25 me Gabbiadini, teksa Augello në të 28 minutë dërgoi shifrat në 0-2. Do duhej minuta e 64 e ndeshjes që Berardi të rihapte ndeshjen për 1-2, teksa goli në fundin e ndeshjes shërbeu sa për statistika. Me 16 pikë Sassuolo mban vendin e 15-të, ndërsa Sampdoria shkon në kuotën e nëntë pikëve duke lënë fundin e tabelës.

Në burg prej 2021 për trafik droge, rëndohen akuzat për kapon e ultrasve të Milanit! Sky ECC nxjerr bashkëpunëtorin e tij të ngushtë shqiptar (EMRI)

LEXO EDHE:
Në burg prej 2021 për trafik droge, rëndohen akuzat për kapon e ultrasve të Milanit! Sky ECC nxjerr bashkëpunëtorin e tij të ngushtë shqiptar (EMRI)

Spezia dhe Atalanta barazuan 2-2 për javën e 16-të në Serie A. Në stadiumin "Alberto Picco" në La Spezia, vendasit nuk mundën të mbanin avantazhin e dyfishtë të pjesës së parë. Ndeshja nisi mirë për Spezian, që shënuan me Gyasi në minutën e tetë dhe Nzola në minutën e 31. Pjesa e dytë ishte me tjetër ritëm për bergamaskët, që shënuan dy gola. Hojlund në minutën e 77 dhe Pasalic në 90+3' barazuan duelin. Atalanta me këto tri pikë mban vendin e 7 me 28 pikë, teksa Spezia qëndron në vendin e 17-të me 14 pikë.

Torino dhe Hellas Verona barazuan 1-1 në "Olimpico". Në stadiumin e Torinos vendasit barazuan në pjesën e dytë, me miqtë që për pak surprizuan. Dueli u hap nga Djuric te Verona në minutën e 45. Në pjesën e dytë vendasit morën frenat e lojës dhe gjetën golin e barazimit me Miranchuk në minutën e 64. Megjithë presionin e lartë në fundin e ndeshjes, vendasit e Juric nuk dolën me pikë të plota. Në fushë për Torinon ishte Vojvoda, teksa në stol qëndroi Berisha.

Në stadiumin "Via del Mare", Lecce ka mundur 2-1 Lazion për javën e 16-të në Serie A. Vendasit përmbysën bardhekaltrit, duke marrë tri pikë me vlerë. Të parët që kaluan në avantazh ishin lazialët me Immobile pas vetëm 14 minutash lojë. Në pjesën e dytë, Lecce u tregua më e saktë dhe shënoi me Strefezza në minutën e 57 për 1-1. Në minutën e 71 ishte Colombo që shënoi golin e fitores për vendasit. Me këto tri pikë, Lecce shkon në vendin e 12 me 18 pikë, teksa Lazio mbetet me 30 pikë në vendin e pestë.

Roma fitoi 1-0 me Bolognan për javën e 16-të në Serie A. Penalltia e kthyer në gol nga Pellegrini në minutën e gjashtë i ka dhënë tri pikë verdhekuqve, duke i dërguar në vendin e gjashtë të Serie A me 30 pikë. Megjithë përpjekjen e miqve, Roma ia doli të mbante rezultatin. Për t'u theksuar është dëmtimi i Dybala, që la fushën në minutën e 74 i zëvendësuar nga Bove. Trajneri i verdhekuqve, Mourinho e ndoqi ndeshjen nga tribunat për shkak të pezullimit. Me 30 pikë Roma mban vendin e gjashtë që të dërgon në Europë.

Juventus fitoi 0-1 me Cremonesen në transfertë. Në stadiumin "Giovanni Zini" në Cremona, "Zonja e Vjetër" iu fal golit të Milik në minutën e 91. Goditja e dënimit përfundoi në rrjetë, me bardhezinjtë që mes shumë mungesash dhe dëmtimesh marrin tri pikë me vlerë. Dueli nisi i luftuar, teksa vendasit goditën edhe shtyllën. Kur dukej se skuadrat do ndanin pikët, Juventus shënoi me Milik nga goditja e dënimit. Me këtë fitore, Juventus shkon në kuotën e 34 pikëve në vendin e tretë.

Fiorentina dhe Monza barazuan 1-1 për javën e 16-të në Serie A. Ndeshja nisi mirë për vendasit në "Artemio Franchi", që shënuan me Cabral në minutën e 19 të ndeshjes. Në pjesën e dytë ishte Carlos Augusto që barazoi në minutën e 61. Dy skuadrat ndajnë kështu pikët, me Fiorentinën që qëndron në vendin e 10-të, ndërsa Monza në vendin e 15-të.

Inter fitoi 1-0 me Napolin në "Giuseppe Meazza". Goli i vetëm i takimit u shënua nga Edin Dzeko në minutën e 56 të ndeshjes. Një aksion i bukur nga e majta e sulmit dhe krosimi preçiz i Dimarco bëri që boshnjaku mos e kishte të vështirë të mposhtte Meret në portë. Vendosja e gabuar e Rahmanit ndihmoi Dzekon që të ishte i vetëm përballë portierit mik. Pas 11 fitoreve radhazi, Napoli merr humbjen e dytë këtë sezon. Megjithë disfatën, skuadra e Spallettit mban kreun e Serie A me 41 pikë. Inter me 33 pikë shkon në vendin e katërt duke rihapur garën në Serie A.

Pas javës së 16-të kampionati italian merr tjetër drejtim me ndaljen e Napolit, teksa Milan ndjek me pesë pikë më pak, teksa Juventus në pozitën e tretë.

Serie A - java 16-të: