SPANJË - Huliganët e Manchester United dhe Tottenham u përleshën të martën në rrugët e San Sebastianit përpara finales së Europa League midis dy ekipeve. Këtë të mërkurë në orën 21:00 dy skuadrat do kërkojnë trofeun në "San Mames" të Bilbaos.

80 mijë tifozë anglezë pritet të udhëtojnë në Bilbao për të mbështetur ekipet e tyre përkatëse, të cilat po luajnë për kualifikimin në Champions League përveç titullit evropian. Incidentet nisën që të martën, kur një numër i madh i ultrasve me prirje huliganizmi kishin mbërritur në rajonin bask të Spanjës.

DHUNA - Përleshjet e dhunshme midis huliganëve të Tottenham dhe Manchester United filluan rreth orës 21:00 të mbrëmjes, në pjesën e vjetër të San Sebastian, veçanërisht në rrugën 'Fermin Calbeton'.

Të dyja tifozeritë hodhën gota, shishe, tavolina, madje edhe kontenierë mbeturinash drejt njëri-tjetrit.

Daily Mail raporton se "tifozët e Tottenham dhe Manchester United u përleshën në San Sebastian, pak më shumë se një orë larg me makinë nga Bilbao, përpara se të mbërrinte policia".

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 12 Mars, 14:12

    PS rrëzon kërkesën e SPAK për arrestimin e Ballukut, si e vlerësoni?

Lajme të tjera