BRAZIL - Neymar u rikthye pas 13 vitesh te Santosi në vendlindje, teksa i ka befasuar të gjithë që në stërvitjen e parë dhe kjo jo për cilësitë në fushë. Ylli i sulmit zbarkoi në terrenin stërvitor me helikopterin personal.

Sulmuesi anësor, i cili pati një periudhë të vështirë në futbollin saudit për shkak të lëndimeve, ka firmosur kontratë deri në fund të sezonit me klubin e fëmijërisë, me shpresën për t’u rikthyer në listën e kombëtares braziliane.

Rikthimi i Neymar ka shkaktuar një entuziazëm të madh te tifozët e Santosit. Klubi ka arritur 70.000 anëtarë pas një rritjeje prej më shumë se 20.000 në një javë, që nga njoftimi i rikthimit të tij.

Stadiumi “Vila Belmiro”, me kapacitet për 16.000 spektatorë, do të ketë një konkurrencë të ashpër për biletat, të cilat janë shitur të gjitha për ndeshjen e ardhshme kundër Botafogo-SP.

Vetëm lozhat private janë ende të disponueshme. Në rrjetet sociale, si Instagram, Santosi ka parë një rritje të ndjekësve në më shumë se 4 milionë.
S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Qershor, 07:51

    Shqipëria barazon me Letoninë, besoni te kualifikimi në Botëror?

Lajme të tjera