BRAZIL - Pasi fitoi Kupën Libertadores, të ngjashmen e Champions League, Flamengo është shpallur kampion i Brazilit në futboll një javë nga fundi i sezonit. Nga ana tjetër, Santosi i Neymar ende nuk e ka siguruar zyrtarisht mbijetesën dhe këtë e kërkon në raundin e fundit, teksa pret në shtëpi Cruzeiron.

Në Caxias do Sul, Santos fitoi 0-3 kundër vendasve të Juventude. Pjesa e parë u mbyll pa gola dhe me disa raste për vendasit. Në fraksionin e dytë mendoi Neymar që në harkun e 17 minutave shënoi tre gola për të tijtë. Konkretisht në minutat 56-të, 65 dhe 73 ylli i sulmit u kujdes t'i jepte Santosit tri pikë shprese duke e nxjerrë nga fundi i renditjes.

Edhe pse i dëmtuar, Neymar ka rezultuar deçiziv për të tijtë duke i dhënë gjashtë pikë në dy ndeshjet e fundit. Santos është sërish 'në vallen' e mbijetesës, pasi ndeshja e fundit kundër Cruzeiros do vendos shumë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera