Arabia Saudite - Cristiano Ronaldo nuk njeh moshë. Të shtunën 41-vjeçari portugez ia ka dalë të shënojë golin e 962-të në karrierë, duke hapur serinë e realizimeve në fitoren 0-2 të Al Nassr kundër Al Fetah, sfidë e vlefshme për raundin e 22-të në kampionatin e Arabisë Saudite.

Gjithçka u zhbllokua nga Ronaldo në minutën e 18-të, kur përfitoi nga një pasim final i Sadio Mane dhe e ndali topin në rrjetë. Ky realizim ishte i 24-ti për të gjatë këtij sezoni, në 28 ndeshje të luajtura. Veç golave CR7 ka dhënë edhe tre asistime.

Për dy takime Ronaldo nuk u bashkua me ekipin në stërvitje dhe ndeshje, teksa protestoi për mënyrën sesi Fondi i Sportit në Arabinë Saudite, që menaxhon disa nga klubet më të mira të këtij vendi, nuk i ofroi Al Nassr asnjë futbollist të rëndësishëm në merkaton e janarit, për të bërë që 'të verdhët' të rivalizonin me Al Hilal për titullin kampion.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 14:59

    Rama propozon që GJKKO të mos pezullojë dot më funksionet kushtetuese, a jeni dakord?

Lajme të tjera