Taulant Seferi po kalon një moment të shkëlqyer në karrierë. Sulmuesi shqiptar është në formë të jashtëzakonshme me Bodrumspor në Ligën e Parë turke, duke u konfirmuar si një nga lojtarët më vendimtarë të skuadrës.

Në ndeshjen e fundjavës ndaj Hatayspor, e cila përfundoi me fitoren bindëse 5-0, Seferi ishte protagonisti absolut. Sulmuesi shënoi dy gola dhe asistoi në një tjetër, duke udhëhequr ekipin drejt një triumfi spektakolar.

Goli i parë i sfidës erdhi në minutën e 5-të, kur Seferi asistoi për Dumanlin. Më pas, Fredy dhe Brazao shtuan epërsinë, përpara se shqiptari të vuloste pjesën e parë me dy gola të shpejtë në minutat 39-të dhe 44, duke kompletuar dopietën personale.

Falë këtij performimi, 28-vjeçari nga Kumanova ka arritur në kuotën e 7 golave dhe 3 asisteve në 9 ndeshje, duke u renditur mes lojtarëve më produktivë të kampionatit.

Pavarësisht formës, Seferi nuk është përfshirë në listën e trajnerit Sylvinho për dy ndeshjet e tetorit që Shqipëria do të zhvillojë ndaj Serbisë (11 tetor në Leskovac) dhe Jordanisë (14 tetor në Tiranë).

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera