Një video shokuese tregon drejtuesin e një trami të përgjumur në timon në të njëjtat binarë ku ndodhi tragjedia e Croydon pak ditë më parë.

Shoferi është filmuar duke iu mbyllur sytë për gjumë teksa drejton tramin drejt New Addington në Londrën Jugore vetëm 3 milje larg vendit ku 2 javë më parë, humbën
jetën 7 vetë.

Pamja tmerruese u kap nga një pasagjer i shokuar i cili e përshkruajti skenën si “surreale”.

Thuhet se ajo u filmua në orarin e pikut ,ndërsa aty ndodheshin rreth 50 pasagjerë.

Kryebashkiaku i Londrës, Sadiq Khan tha se ai vetë do të sigurohet që të hetohet më tej për këtë ngjarje, të ndërmerret çdo veprim i nevojshëm dhe të merren hapa për t’i bërë këto mjete udhëtimi sa më të sigurta.