SIRI - Një video e xhiruar në 60 kilometra nga Alepo shfaqet një grup femrash ndërsa stërviten për të luftuar përkrah militantëve të shtetit islamik.
 
Të mbuluara nga koka tek këmbët me veshjen fetare të ekstremistëve myslimane me hixhabin e zi e me automatikë nëpër duar këto gra bëjnë stërvitje ushtarake.
 
Në këngët e tyre ato bëjnë thirrje për drejtësinë e luftës së tyre fetare. Për shkak të veshjes kanë vështirësi në lëvizje dhe ndonjëherë nuk mund t’i mbajnë armët drejt por pamjet janë drithëruese dhe provojnë se ato janë pjesë e strukturës ushtarake të militantëve të ISIS.
 
Videoja e shpërndarë së fundmi në Youtube është filmuar pranë kishës së San Simeon dhe është dëshmi e faktit se dhe gratë përdoren si luftëtare të shtetit islamik në Lindjen e Mesme.