Superliga shqiptare e futbollit zhvilloi sot dy ndeshjet e fundit për javën e 13-të. Në Korçë, Skënderbeu mundi 3-1 Teutën edhe pse me një lojtar më pak për një pjesë loje, teksa në Shkodër, Vllaznia dhe Laçi ndanë pikët duke barazuar 0-0.
Në stadiumin e Korçës, Skënderbeu fitoi 3-1 kundër Teutës për raundin e 13-të në Superligë. Djemtë e Gvozdenovic u rikthyen te tri pikët pas katër javësh, teksa tanimë sigurojnë vendin e katërt në klasifikim. Ndeshja nisi mirë për korçarët që kaluan në epërsi me Franklin në minutën e 13-të. Për herë të parë titullar, sulmuesi përfitoi nga asisti i Zenullarit dhe mposhti Demën me kokë nga më shumë se 11 metra largësi. Më pas ishte Dean Liço që në të 37' shënoi golin e dytë nga pika e bardhë e penalltisë. Minuta e 44 solli dy kartona të verdhë për Ardit Nikaj, me sulmuesin që në harkun e pak sekondave mori karton të kuq dhe la korçarët me një lojtar më pak.
Në fraksionin e dytë të lojës Teuta e Edi Martinit shënoi me Peposhin në të 73 minutë, duke dhënë përshtypjen se sfida u rihap. Për të shuar zërat mendoi Rashica, që në minutën e 83 shënoi golin e 3-1. Me këtë sukses Skënderbeu shkon në kuotën e 17 pikëve për vendin e katërt, ndërsa Teuta ka katër ndeshje pa fitore, tre nga të cilat të humbura dhe me 12 pikë renditet në vendin e fundit të Superligës.
Në stadiumin "Loro Boriçi" të Shkodrës, Vllaznia dhe Laçi barazuan 0-0. Sfida nisi me një homazh në kujtim të aktorit Zef Deda, ndarë sot nga jeta në moshën 73-vjeçare. Më pas dueli nuk mund të vijonte pa një minutë heshtje në nderim të Raphael Dwamenas, ish-kapitenit të Egnatias. Në tapetin e ri të "Loro Boriçit" të dyja skuadrat patën mundësi shënimi, teksa ishte Qarri që ndali Ujkën në një rast në fund. Duket se Vllaznia e Qatip Osmanit dhe Tefik Osmanit nuk di të fitojë, duke shkuar në kuotën e katër ndeshjeve pa shijen e tri pikëve. Shkodranët me 14 pikë mbajnë vendin e shtatë, ndërsa Laçi me 16 pikë vendin e pestë.
Superliga - java e 13-të:
E enjte
FT 13:30 Egnatia 1-1 Partizani (Nisi nga minuta 24)
FT 17:00 Dinamo 1-0 Erzeni
FT 20:00 Tirana 3-2 Kukësi
E premte
17:00
FT Vllaznia 0-0 Laçi
FT Skënderbeu 3-1 Teuta
Renditja:
Skënderbeu bindi dhe për javën e 13-të në Superligë fitoi 3-1 me Teutën në Korçë. Pas ndeshjes për mediet trajneri i korçarëve, Ivan Gvozdenovic tha se të tijve i duhen pikët.
"Jam shumë i kënaqur nga rezultati. Një ndeshje me shumë nerva dhe tension, pasi dy ekipet kishin nevojë për pikët. Rëndësi kanë pikët dhe një bravo për çunat.
Ndeshje e lehtë? Ky është futbolli. Goli i parë erdhi nga një aksion i bukur dhe sulmuesi bëri një finalizim perfekt. Goli i dytë me penallti, penalltia është pjesë e futbollit. Goli i tretë mund të them se ishte me fat. Kur kemi nevojë për pikët dhe fusha bëhet e vështirë në dimër duhet të plotësojmë nevojat tona. Kështu që nevojën e pikëve e konkretizuam sot.
Objektivi? Jemi të katërtit, por do të shikojmë. Në futboll nuk ka garanci. Diferencat e pikëve nga vendi 4 deri 9 nuk është i madh. Kemi ndeshje të vështira, pas 4 ditësh Kukësin dhe pastaj Erzeni", tha serbi i Skënderbeut.
Dy barazime dhe një humbje, këto janë bilancet e Qatip Osmanit në krye të stolit të Vllaznisë. Shkodranët barazuan pasditen e së premtes 0-0 me Laçin në "Loro Boriçi", duke qenë tanimë në vendin e shtatë me 14 pikë. Pas ndeshjes për MCN foli edhe trajneri Qatip Osmani.
"Mendoj se probleme kishim në 20 metrat e fundit të kundërshtarit ku mungonte ideja për të dhënë pasimin e fundit, disa herë që depërtuam ishim shumë statik në zonë.
Mungesat e Balajt dhe Malës? Bëhet fjalë për lojtarë cilësorë. Veçanërisht Balaj të ishte sot, me këto raste që krijuam do të kishte shënuar gol, se është tipik lojtar sulmues, që ndjen topin, sulmon hapësirën. Ishte evidente mungesa e Balajt, por edhe e Malës sigurisht.
Ndryshimi mes kampionatit shqiptar me maqedonas? Kampionati shqiptar është shumë më i mirë, shumë ekipe më cilësorë. Kurse në Maqedoni ka shumë pak ekipe cilësore dhe është e dukshme që kampionati i Shqipërisë është shumë më i fortë. Këto lojtarë kemi në dispozicion. Unë si trajner i ri jam munduar në këtë periudhë që të nxjerr maksimumin nga çdo lojtar. Sigurisht që ka potencial për të fituar ndeshje, edhe pse dëmtimet e lojtarëve cilësorë që janë, shihet edhe mungesa e tyre", tha Osmani.
KORÇË - Në stadiumin e Korçës, Skënderbeu fitoi 3-1 kundër Teutës për raundin e 13-të në Superligë. Djemtë e Gvozdenovic u rikthyen te tri pikët pas katër javësh, teksa tanimë sigurojnë vendin e katërt në klasifikim. Ndeshja nisi mirë për korçarët që kaluan në epërsi me Franklin në minutën e 13-të. Për herë të parë titullar, sulmuesi përfitoi nga asisti i Zenullarit dhe mposhti Demën me kokë nga më shumë se 11 metra largësi. Më pas ishte Dean Liço që në të 37' shënoi golin e dytë nga pika e bardhë e penalltisë. Minuta e 44 solli dy kartona të verdhë për Ardit Nikaj, me sulmuesin që në harkun e pak sekondave mori karton të kuq dhe la korçarët me një lojtar më pak.
Në fraksionin e dytë të lojës Teuta e Edi Martinit shënoi me Peposhin në të 73 minutë, duke dhënë përshtypjen se sfida u rihap. Për të shuar zërat mendoi Rashica, që në minutën e 83 shënoi golin e 3-1. Me këtë sukses Skënderbeu shkon në kuotën e 17 pikëve për vendin e katërt, ndërsa Teuta ka katër ndeshje pa fitore, tre nga të cilat të humbura dhe me 12 pikë renditet në vendin e fundit të Superligës.
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Ben Andoni: PD-ja përballë protestave, por pa publikun?!
25 Dhjetor, 18:53
-
Kampione e dimrit, kapiteni Dita rrëfen Dinamon për Report TV: S’fshihemi për titullin, ‘Final-4’ i çuditshëm
25 Dhjetor, 13:41
-
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Tirana rrezikon mbijetesën, pesë titullarë me 'valixhe në duar'
23 Dhjetor, 09:29 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga/ Dinamo me hap kampioni, fiton 2-1 kundër Egnatias dhe mbyll 2024 në krye! Tirana 'buzë greminës', Laçi e përmbys 3-1
21 Dhjetor, 18:29
