Jasir Asani nuk vendosi të luante për Maqedoninë e Veriut, duke refuzuar kombëtaren fqinje. Sulmuesi priti moshën 28-vjeçare dhe ardhjen e Sylvinhos në pankinë për t'u veshur kuqezi, teksa peripecitë e tij në rini kanë qenë të mëdha, madje edhe duke u dhunuar në vendlindje.

Ishte viti 2015-të kur futbollisti me prejardhje nga Shkupi, Jasir Asani goditej me grushta nga huliganët maqedonas. Pamjet pas rrahjes që mori futbollisti i kombëtares shqiptare kanë qarkulluar tashmë kudo në rrjet.

Në një intervistë për "Alsat", asokohe ai deklaronte se huliganët i kërkuan të thoshte “hamburger”. Asani kishte refuzuar t’i bindet urdhrave dhe kështu kishte nisur konflikti me ta. “Më thanë thuj hamburger, i thash pse me thanë hamburger?. Më rrahën shumë”, deklaronte ai.

Në prononcimin e tij ai kishte thënë se huliganët kishin ndaluar sulmin vetëm kur ai i kishte treguar se luante për ekipin e Vardarit të Shkupit në Maqedoninë Veriore.

“Ishin rreth 20 vetë dhe dolën para meje. Më detyruan dhe më goditën, donin të më shtrijnë. Më pas iu thashë, e dini kush jam? Luaj në Vardar, Jasir e kam emrin”, tregonte Asani.

Tanimë në moshën 28-vjeçare, Asani duket titullar i padiskutuar te kuqezinjtë, ndërsa shënoi një perlë në fitoren 2-0 kundër Polonisë tre ditë më parë në "Air Albania". Veç Shkupit dhe Vardarit, Asani u bë i njohur për aktivizimin te Partizani në Superligë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 31 Mars, 11:25

    A besoni se Drejtori i ri Policisë, Hita do luftojë krimin dhe korrupsionin?

Lajme të tjera