Mbrëmjen e së hënës Radio Televizioni i Kosovës është sulmuar me një granatë dore. Ngjarja ka ndodhur rreth orës 22:00 dhe në ambientet e RTK ndodheshin punonjës të shumtë.
 
Mjeti shpërthyes është hedhur në vendin ku janë transmetuesit e valëve. Gazetarët dhe pjesa tjetër e stafit janë tronditur nga shpërthimi i fuqishëm por fatmirësisht nuk ka pasur të lënduar.

Policia e Kosovës po vijon hetimet që do të çojnë në zbardhjen e rrethanave të plota të këtij sulmi ndaj Radio Televizionit të Kosovës.