Kategoria e Parë ka mbyllur ndeshjet e javës së gjashtë. Të fundit në radhë kanë luajtur Korabi 4-1 Lushnja dhe Flamurtari 3-0 Tërbuni. Sot në mesditë Dinamo fitoi 1-3 në transfertë me Apoloninë, duke mbajtur vendin e parë në klasifikim.

Në Vlorë, Flamurtari shënoi me Albi Metanin, Iacovellin dhe Licaj për tri pikë me vlerë që e çojnë skuadrën e Troisi në vendin e tretë me 11 pikë. Në Peshkopi, Korabi fitoi 4-1 me Lushnjën. Djemtë e Kumbarçe ishin më të saktë në shtëpi, teksa dopieta e Kekos dhe Beshiraj e bën Korabin që të jetë vetëm dy pikë pas Dinamos kryesuese.

Dinamo fitoi 1-3 me Apoloninë në "Loni Papuçiu" të Fierit. Sfida e javës së gjashtë në Kategorinë e Parë foli për djemtë e Nevil Dedes, që ndaj një kundërshtari direkt treguan se janë skuadra për t'u mundur këtë sezon.

Të parët në avantazh kaluan miqtë me Taulant Markun në minutën e tetë. Vetëm katër minuta më vonë, Mario Gjata do vendoste ekuilibrat për 1-1. I kuqi i Topit te Apolonia kushtëzoi vendasit, që në limitet e pjesës së parë u ndëshkuan nga Ersil Ymeri për 1-2 (45').

Edhe pjesa e dytë u luajt me ritëm të lartë, teksa "vulën" e vendosi sërish Taulant Marku në minutën e 86 për dopietën personale dhe golin e tetë sezonal, për të marrë vendin e parë sa i takon golashënuesve.

Rezultatet e javës së gjashtë:

Besëlidhja 1-0 Oriku

Luzi 2-1 Burreli

Turbina 2-4 Besa

Tomori 0-1 Skënderbeu

Apolonia 1-3 Dinamo

Flamurtari 2-0 Tërbuni

Korabi 3-1 Lushnja

Renditja:

Goli i Ersil Ymeri te Dinamo:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera