Tirana fitoi 0-2 me Erzenin në "Niko Dovana". Për javën e 18-të të Superligës, kampionët në fuqi të Shqipërisë i falen dopietës së Florent Hasanit në minutët 83 dhe 90+5. Ndeshja ka qenë e luftuar, teksa tifozët e shumtë në shkallët e stadiumit i kanë shtuar bukurinë 90 minutave. Në pjesën e parë të dyja skuadrat kanë pasur raste të shumta, me Erzenin që goditi shtyllën. Në pjesën e dytë ishte Tirana që u kundërpërgjigj me shtyllën e Gjumsit. Do duhej minuta e 83 kur një prekje me dorë në zonën e shijakasve do akordohej 11 metërsh nga Jorgji pas konsultës me VAR. Nga pika e bardhë Florent Hasani nuk gaboi, duke kaluar festën te bardheblutë. Kur dukej se ndeshja mbaroi, ishte sërish Hasani që me dopietë vulosi tri pikët. Me këtë fitore Tirana shkon në kuotën e 34 pikëve në vendin e parë, katër pikë më shumë se ndjekësit e Partizanit në gjysmën e sezonit.


Lajmi kryesor:

VIDEO/ Mbyllet gjysma e Superligës, Tirana lë pas Partizanin! Bardheblutë fitojnë në transfertë, Teuta mposht 'Demat'
S.Dh/Shqiptarja.com
  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera