Milani e mbylli me sukses fazën parasezonale me një tjetër fitore dhe kjo nën sytë e presidentit Gerry Cardinale. Në "San Siro" kuqezinjtë mposhtën 3-1 Monzën në ndeshjen që vlente për trofeun "Silvio Berlusconi", ish-presidentin e ndjerë të të dyja skuadrave.
Përballja u zhbllokua pas 11 minutave lojë nga Saelemaekers, me kuqezinjtë që panë një djalë të dinastisë Maldini t'i barazonte. Daniele, në të 34 minutë vendosi ekuilibrat për 1-1, me pjesën e parë që u mbyll me këtë rezultat.
Me të nisur pjesa e dytë, Fonseca bëri shumë lëvizje, ndër to duke nxjerrë jashtë edhe Moratën për Jovic. Pak sekonda në fushë dhe Jovic do gjente rrugën e rrjetës, për të rikthyer kuqezinjtë në avantazh.
Dueli u vulos nga Reijnders me golin në minutën e 56-të. Kështu, Milan siguron trofeun "Silvio Berlusconi" dhe Fonseca sheh një ekip të pamposhtur në fazën parasezonale.
Tanimë fokusi i Milanit është në datën 17 gusht, aty ku në orën 20:45 pret në "San Siro" Torinon, me sfidën që vlen për javën e parë të sezonit të ri në Serie A.
Milani fitoi të martën në mbrëmje trofeun "Silvio Berlusconi", duke mundur 3-1 në "San Siro" Monzën që drejtohet nga Alessandro Nesta. Pas ndeshjes për mediet foli trajneri i Milanit, Paulo Fonseca.
"Çfarë emocionesh ndjetë sot?
Ndjenja është shumë pozitive. Sot ishte ndeshja e parë, ishte shumë pozitive me tifozët tanë. Kemi pesë javë punë, kemi ende shumë për të punuar dhe përmirësuar. Kemi filluar të shohim gjëra që janë idetë e lojës tonë, por duhet të vazhdojmë të punojmë. Milani dëshiron të dominojë, ta rikuperojë topin në fushë, tashmë mund të shohim diçka në këtë drejtim.
A ju mungon mesfushori që doni?
Ky mesfushor është Fofana, e dimë të gjithë.
Saelemaekers dhe Morata…
Morata punon shumë me ekipin, si në sulm ashtu edhe në mbrojtje. Ai nuk ka punuar shumë me ne, por ka luajtur mirë. Është hera e parë që punoj me Saelemaekers, të gjithë thonë se ka ndryshuar. Nuk e di nëse është e vërtetë, por më pëlqen. Ai punon në pozicione të shumta dhe gjithmonë bën zgjedhje të mira me topin. Si trajner dua që të qëndrojë me ne.
Dy fjalë për Jovic dhe paraqitjet e tij?
Unë nuk e njihja mirë Jovic, më ka befasuar javët e fundit. Ai është një lojtar që mund ta ndihmojë shumë ekipin në zonë. Mënyra se si ka punuar në javët e fundit më ka pëlqyer shumë", tha mes të tjerash Fonseca.
Lajme të tjera
-
Sot kundër Juventusit, Fonseca: Ne jemi Milani, fitojmë! Motta: Na duhet një ndeshje e madhe
23 Nëntor, 16:13 -
Serie A/ Stadiumi 'sold-out' për Milan - Juve! Dëmtohet Vlahovic, për kuqezinjtë ka rikthime
21 Nëntor, 12:01 -
Itali/ Kreu i ultrasve të Milanit, i lidhur në organizatën shqiptare të kokainës! U arrestua bashkë me 19 të tjerë, e trafikonin nga Amerika e Jugut dhe Maroku
19 Nëntor, 21:43 -
GOLAT/ Interi barazon 1-1 kundër Napolit, Roma dështon sërish dhe shkarkon trajnerin! Atalanta merr vendin e dytë, renditja e Serie A bëhet 'lëmsh'
10 Nëntor, 15:38 -
GOLAT/ Alen Sherri debuton në Serie A, Milani barazon 3-3 në Sardegna! Juventusi fiton 2-0 derbin kundër Torinos, përleshje mes tifozëve
9 Nëntor, 22:50 -
Alen Sherri debuton në Serie A, formacionet zyrtare të ndeshjes Cagliari - Milan
9 Nëntor, 16:57 -
Milano/ Rekrutonin të rinj nga Shqipëria si ‘punëtorë sezonalë’ për shitje kokaine, goditet rrjeti i bashkëshortëve shqiptarë! 6 të arrestuar, ja skema sekrete
9 Nëntor, 10:11 -
Pavlovic bën për spital Moratan, Milani me mungesa në sulm
8 Nëntor, 15:29 -
Real Madrid në krizë, Carlo Ancelotti jep alarmin: Asnjë reagim që pas humbjes në El Clasico kundër Barçës
6 Nëntor, 11:54 -
Fituan kundër Realit në Madrid, Fonseca: Milani e ka më lehtë ndaj tyre, se kundër Monzës
6 Nëntor, 10:24 -
Champions League/ Milan fut në krizë Realin, e mposht 1-3 në ‘Bernabeu’! Sporting turpëron me katër gola Cityn, Zhegrova ndal Juven! Liverpool është ‘ok’
5 Nëntor, 22:59 -
Champions League/ Sot 'Klasikja' Real Madrid - Milan, Liverpool pret Leverkusen! Juventus gjen surprizën Lille, Man. City kundër Sporting
5 Nëntor, 09:05
