Ish-Presidenti amerikan, Donald Trump, premtoi se do të rivendosë politikën e kufirit të mbyllur, që në ditën e parë të mandatit të tij në Shtëpinë e Bardhë, në një fjalim para mbështetësve në New Hampshire që zgjati më shumë se një orë.

Turma brohoriti ndërsa Trump doli në skenë dhe bërtiti me zë të lartë, duke mbrojtur disa nga linjat standarde të fushatës së tij. Ai u tall me kundërshtarët e tij kryesorë, guvernatorin e Floridës Ron DeSantis dhe ish-guvernatoren e Karolinës së Jugut, Nikki Haley.

Më pas Trump foli edhe për çështje të njohura që premtoi t’i trajtonte në ditën e tij të parë në detyrë. Ai vuri në dukje se gjatë presidencës së tij  mbrojti SHBA-në nga turistët që vinin nga vendet që “pëlqejnë të hedhin në erë qendrat e tyre tregtare”, raportojnë mediat e huaja.

Trump tha gjithashtu se beson se politika kufitare e Biden ka për qëllim të sjellë votues, duke thënë se ata “i lënë këta njerëz të hyjnë, u mësojnë atyre disa fjalë të gjuhës angleze dhe i bëjnë të votojnë”. Më pas ai foli për padite penale.

“Ju e dini që unë jam akuzuar më shumë se Al Capone. A keni dëgjuar ndonjëherë për Al Capone? Ndoshta mafiozi më i madh nga të gjithë”, i tha Trump turmës.

Skena në New Hampshire ishte një vështrim i hershëm disi surreal i fushatës së ardhshme, në të cilën Trump, i preferuari për nominimin presidencial republikan, pritet të përballet me gjyqin e tij të parë penal më 5 mars, i njohur gjithashtu si ” Super e Marta”, sepse 14 shtetet votojnë në zgjedhjet primare. Megjithëse data e fillimit të gjyqit mund të shtyhet.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Dhjetor, 11:46

    Shpallja e pluralizmit në Shqipëri në 1990, kush e ka meritën e vërtetë?

Lajme të tjera