VIDEO/ Tunel nderi dhe shiriti i kapitenit, Real Madrid dhe tifozët nderojnë Toni Kroos në ndeshjen e fundit në 'Bernabeu'

VIDEO/ Tunel nderi dhe shiriti i kapitenit, Real Madrid dhe tifozët nderojnë Toni Kroos në ndeshjen e fundit në 'Bernabeu'

Koreografia e tifozëve dhe Toni Kroos

Real Madrid dhe Betis po luajnë në "Bernabeu" për raundin e 38-të dhe të fundit në La Liga për këtë sezon. Me "Galaktikët" që u shpallën kampionë dhe festuan trofeun, e gjithë vëmendja është te Toni Kroos.

Gjermani e ka ndeshjen e fundit në karrierë sa i takon klubeve, teksa pak ditë më parë njoftoi largimin nga Real Madrid pas dhjetë sezonesh. Mesfushori do luajë edhe me Gjermaninë në Euro 2024 dhe më pas do "varë këpucët në gozhdë" në moshën 34-vjeçare.

Në duelin e fundit para tifozëve të Real Madrid në Spanjë, Kroos u pa me shiritin e kapitenit dhe me tunelin e nderit nga bashkëlojtarët, teksa ultrasit dhe gjithë stadiumi brohoritën emrin e tij dhe koreografia ishte speciale për të.

Legjendë e Real Madrid, Kroos është ndër mesfushorët më të mirë në dekadën e fundit, duke ndihmuar Real Madridin të fitonte edhe katër herë Champions League, veç trofeve të tjerë.

Kujtojmë se Kroos te Real Madrid do luajë ndeshjen e fundit më 1 qershor, pikërisht në finalen e Champions League kundër Dortmund në Uembley të Londrës.

 

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Çollaku i PD sulmon Metën: S’i takon t’i japë leksione demokratëve, në protestë ishte i ftuar, jo zoti i shtëpisë

Çollaku i PD sulmon Metën: S’i takon t’i japë leksione demokratëve, në protestë ishte i ftuar, jo zoti i shtëpisë