Edhe majmunët preken nga krizat e panikut në situata të vështira, aq sa u merr edhe jetën. 

12 majmunë janë gjetur të ngordhur në një pyll në Indi dhe sipas veterinerëve ata kanë pësuar njëkohësisht infarkt në zemër pasi janë trembur nga një tigër.

Majmunët u gjendën nga banorët e zonës, të cilët u habitën nga kjo vdekje kaq masive e majmunëve.

Fillimisht u dyshua se majmunët ishin helmuar, e për këtë arsye u nis edhe një hetim për të gjetur fajtorët, por pas analizave u arrit në konkluzionin se kishin pësuar njëkohësisht infarkt.

“Majmunët mund të kenë ngordhur nga një ulërimë e ndonjë tigri që ka kaluar në atë zonë”, deklaroi një prej veterinerëve, shkruan Daily Mail.