VIDEO/ Udhëtimi i tmerrshëm i Boca Juniors, 40 'fuoristrada' për të shkuar 4000 metra mbi nivelin e detit! Bombola oksigjeni në makina

BOLIVI - Boca Juniors barazoi 0-0 me Nacional Potosi, një ndeshje e vlefshme për Grupin D të Kupës së Amerikës së Jugut, me argjentinasit që humbën një penallti me Dario Benedetto.

Kjo është historia e asaj që ndodhi në fushë, teksa ajo që ndodhi jashtë fushës ishte një udhëtim i jashtëzakonshëm i stafit të Boca-s për të arritur në impiantin sportiv, i vendosur në mbi 4000 metra mbi nivelin e detit.

Në fakt, qyteti i Potosi nuk ka një strukturë hoteli të aftë për të pritur ekipin dhe stafin e Boca-s, prandaj skuadra e drejtuar nga Martinez duhej të ndalonte në Sucre, 158 kilometra larg destinacionit përfundimtar.

LEXO EDHE:
Atentat ish-presidentit të Bolivisë, qëllohet me breshëri plumbash ndaj automjetit të tij! Plagoset shoferi (VIDEO)

Faza e fundit e udhëtimit u krye në bordin e 40 automjeteve 'fuoristradë', të gjitha të pajisura me bombola oksigjeni brenda, në rast se një lojtar kishte probleme me frymëmarrjen e shkaktuar nga lartësia dhe antenat satelitore me vete në rast se celularët kishin ndërprerë punën.

Një udhëtim mbi katër orë në një rrugë të konsideruar shumë të rrezikshme (flitet edhe për fise kanibalësh që jetojnë në zonë). Të hënën e kaluar në të njëjtë rrugë ndodhi një aksident rrugor me përmbysjen e një autobus, duke shkaktuar 4 të vdekur dhe 36 të plagosur.

TAG:
• Nacional Potosi
• bolivi
• boca juniors

Sondazhi i ditës:

Si ka qene per ju viti 2024?

• I mire

  43.7%

• I keq

  22.6%

• As i mire as i keq

  33.7%

Vota total: 1638

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq