Një ngjarje e pazakontë ka ndodhur në Ekuador, ku familjarët dhe të afërmit e një gruaje e cila ishte deklaruar e vdekur nga mjeku, janë shokuar kur dëgjuan zërin dhe trokitjet e saj që vinin nga brenda  arkivolit.

Sipas BBC, Bella Montoya, 76 vjeç nga Ekuadori, u deklarua e vdekur javën e kaluar dhe pasi u fut në arkivol, të afërmit e saj u mblodhën për t’i dhënë lamtumirën e fundit përpara se të varrosej.

Por gati 5 orë më vonë, kur hapën arkivolin për t’i ndërruar veshjet përpara funeralit, gruaja mori frymë dhe njerëzit u grumbulluan rreth saj të habitur.

Mjekët e kanë marrë me barelë dhe e kanë kthyer sërish në spital, në kujdesin intensiv, ndërsa Ministria e Shëndetësisë së Ekuadorit po heton incidentin.

Ajo më herët kishte përfunduar në spital pas një arresti kardio-respirator dhe pasi nuk iu përgjigj përpjekjeve për ta ringjallur, mjeku konfirmoi vdekjen e saj.

Në video, tregohet momenti kur të afërmit e 76-vjeçares mblidhen rrotull arkrivolit pasi dëgjojnë zhurma.

Të tronditur dhe të tensionuar ata hapin arkrivolin dhe pasi shohin që 76-vjeçarja po lëvizte kërkojnë një ambulancë.

Me të mbërritur shërbimet e urgjencës marrin të moshuarën duke lënë pas një ngjarje të paprecedentë.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera