Një video e Papa Leone XIV po bën xhiron e rrjetit. Ati i Shenjtë i është bashkuar trendit viral “6-7” me fëmijët në Vatikan, siç tregohet në pamjet e shpërndara në TikTok nga prifti Don Roberto Fiscer.

Fiscer ishte me një grup fëmijësh në sheshin e Shën Pjetrit dhe ndërsa bisedonin, ata thanë “6-7” (six seven) teksa Papa ndaloi pranë tyre.

Papa e përsëriti frazën dhe bëri gjestet me duar që lidhen me këtë trend. Papa duket paksa i konfuzuar, por gjithsesi nuk hezitoi të ndiqte veprimet e fëmijëve.

Ky trend u përhap shumë në rrjetet sociale si një lloj ‘meme’ ose zhargoni, ku fëmijët thoshin fjalët “six seven” dhe lëviznin duart lart e poshtë.

Në thelb, është një shprehje pa kuptim që përdoret sidomos nga adoleshentët dhe fëmijët, shakaja qëndron te fakti se fraza nuk ka asnjë kuptim, pasi gjithçka qëndron te absurditeti dhe përsëritja.