VLORE – Përmbytjet që kanë përfshirë jugun kanë shkaktuar jo vetëm dëme në shtëpitë e ndërtuara pranë lumenjve dhe në tokat bujqësore, por edhe në rrugët e vendit.
 
Aksi Fier-Vlorë është në rrezik, pasi vërshimi i ujit si pasojë e daljes nga shtratit të lumit Vjosë ka krijuar gërryerje në anët e autostradës. Me përkeqësimin e situatës, kjo mund të ishte një rrezik serioz për udhëtarët në këtë aks.
 
Banorët e zonës bëjnë apel për ndërhyrje të menjëhershme, pasi përmbytjet dhe kalimi i ujit poshtë autostradës, rrezikon ta shembë atë.