POP 5

Lajmet më të lexuara të 5 minutave të fundit

Kronikë

Videolajm/ Ja fytyra e atentatorit
me tritol ndaj familjes së Tahirit

Televizioni A1 Report, sjell pamjet e atentatorit, nisur nga pamjet e kamerave të sigurisë të publikuara ditën e djeshme, dhe që janë regjistruar nga një biznes pranë farmacisë. VIDEO
TIRANE - Atentatet me tritol mëngjesin e së martës në Tiranë ku në qendër të tyre ishte familja e Ministrit të Brendshëm Saimir Tahiri, kanë tronditur opinionin publik, ndërsa policia vijon të jetë e angazhuar për zbulimin e identitetit të autorit si dhe vënien e tij në pranga. Pavarësisht se në pamjet e kamerave të sigurisë në aktin terrorist në farmacinë e të atit të Ministrit, shihet atentatori me biçikletë dhe i veshur me të zeza duke vendosur eksploziv sërish mbetet i vështirë identifikimi i tij.
 
Televizioni A1 Report, sjell pamjet e atentatorit, nisur nga pamjet e kamerave të sigurisë të publikuara ditën e djeshme, dhe që janë regjistruar nga një biznes pranë farmacisë.
 
Në foto shihet pjesërisht fytyra e atentatorit, i cili siç duket fytyrën e ka të zbuluar ndërsa mban të veshur një kapuç. Në të dallohet fizionomia e atentatorit. Nga ana tjetër, sipas burimeve nga Prokuroria, atentatori mësohet të jetë rreth moshës 35-40 vjeç.
 
Policia e Shtetit ndër të tjera, i ka bërë thirrje të gjithë qytetarëve që të ndihmojnë në identifikimin e autorit, duke telefonuar në sallën operative në numrin 129.

atentatori

shperthimi farmaci

Urdhri i Didit: Policia ne gatishmeri
Po ashtu A1report ka mundur të mësojë se pas ngjarjeve të 48 orëve të fundit me shpërthime eksplozivi e parandalim atentatesh, me urdhër të Drejtorit të Përgjithshëm të Policisë së Shtetit policia është në gatishmëri maksimale në bashkëpunim me njësitë e Antiterrorist dhe strukturat e SHISH në terren.
 
Dje Kreu i Policisë së Shtetit Artan Didi theksoi se atentati në farmacinë e Bashkim Tahirit, dhe ai i mbetur në tentativë në rrugën “Muhamet Gjollesha” në vendin ku parkonte automjetin babai i Tahirit, janë nga e njëjta dorë. Kjo pasi në kartën SIM të sekuestruar në lëndën eksplozive të pashpërthyer në rrugën “Muhamet Gjollesha” është verifikuar se është telefonuar nga i njëjti numër si ai i shpërthimit tek farmacia.
 
Këto fakte përforcojnë edhe më tepër pistën e hetimit, se të dyja atentatet janë kryer nga i njëjti person, ndërsa vijojnë hetimet për të zbuluar identitetin e atentatorit. 

Sipas Policisë së Tiranës deri në këto momente numri i personave të shoqëruar mbetet i lartë, ndërsa disa prej personave të ndaluar pas ngjarjes ku shpërtheu tritoli në farmacinë e Bashkimit Tahirit, babait të ministrit të Brendshëm dhe shpërthimit në banesën e oficerit të policisë Alfred Numani janë lënë të lirë pas deklarimeve që kanë dhënë.

Redaksia Online
(e.c/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Takimi mes Trump dhe Putin, ja shteti që është gati të presë dy liderët

Takimi mes Trump dhe Putin, ja shteti që është gati të presë dy liderët

13 Janar, 08:20