John Newman doli jashtë çdo pritshmërie gjatë koncertit të realizuar në sheshin 'Skënderbej'. Performancat energjike 'live', interaktiviteti i vazhdueshëm me publikun dhe për ta mbyllur, një shkatërrim i mirëfilltë skene.

Artisti britanik siç duket nën efektin e adrenalinës, sapo përfundoi shfaqja, hodhi në tokë të gjitha mjetet e orkestrës, i ndihmuar edhe nga pjesëtarë të tjerë të bandës, ndërsa e mbylli 'çmendurinë' e mbrëmjes me simbolin e shqiponjës, veprim që u pasua nga një shfaqje me fishekzjarre.