Ish-presidenti Ilir Meta ka uruar besimtarët katolikë në vigjilje të Pashkës. “Drita e Krishtit të ndriçojë përherë zemrën dhe familjet tuaja!”, shkruan Meta në urimin e tij.

Ai i është bashkëngjitur lutjes së Papa Leone XIV për një paqe “çarmatuese, të përulur dhe ruajtëse.”

"Në vigjilje të Pashkës së Madhe, u përcjell besimtarëve të krishterë katolikë dhe ungjillorë urimin më të përzemërt për sa më shumë mbarësi, shëndet, begati dhe lumturi!

Drita e Krishtit të ndriçojë përherë zemrën dhe familjet tuaja!

I bashkohem lutjes së Papa Leone XIV:

“Paqja qoftë me ju, kjo është paqja e Krishtit të ringjallur, një paqe çarmatuese, e përulur dhe ruajtëse, që do të hyjë në zemrat tuaja, në familjet tuaja dhe në të gjithë botën.”

Nga mot gëzuar Pashkën!