Vijojnë ndryshimet në Policinë e Shtetit, Besmir Qibini rikthehet në krye të Policisë Rrugore të Tiranës

Besmir Qibini

Emërimi i Gledis Nanos në krye të Policisë së Shtetit, ka bërë që prej javësh të ketë ndryshime në drejtoritë e policisë së qarqeve. Këtyre ndryshimeve nuk u ka shpëtuar as Tirana, ku ndryshimi më i fundit është ai i bërë në Policinë Rrugore. Gazetari i Report Tv, Sokol Dema mëson se në krye të Policisë Rrugore në Tiranë është rikthyer Besmir Qibini, i cili e ka mbajtur këtë post më herët në vitet 2014-2015.

Më parë shefi i qarkullimit rrugor Tiranë, ishte Erion Ahmeti i cili është emërua në sektorin e sigurisë rrugore në Drejtorinë e Përgjithshme të Policisë së Shtetit.  

Më 18 tetor, Drejtori i Përgjithshëm i Policisë së Shtetit Gledis Nano bëri ndryshime të drejtuesve të strukturave vendore dhe qendrore të Policisë së Shtetit. Ndryshimet kanë ndodhur thuajse në çdo qark, përveç Beratit. Këto lëvizje do i paraprijnë ndryshimeve të tjera që do të bëhen në drejtuesit e tjerë të Policisë, në nivel vendor.

I.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Beteja për FSHF-në, a duhet të vijojë Armand Duka të drejtojë futbollin në vend?



×

Lajmi i fundit

John

Një javë pas zotimit ndaj agresionit rus në Ukrainë, Ministria e Jashtme kanadeze preket nga sulmi kibernetik