Vijojnë shkarkimet nga Vau i Dejes, 110 banesa me prezencë uji në Shkodër! 1400 ha të përmbytura! Rruga e Obotit e pakalueshme

Në Dibër gjatë natës ka pasur reshje bore. Në zonat malore trashësia e borës shkon në 20 cm, por nuk ka bllokime. Shoferët lëvizin në aksin e rrugës së Bypass-it nga tuneli në Qafë-Murrizë duhet të kenë goma dimërore dhe të kenë zinxhirë ne makinë që mos të bëhen shkaktare për bllokimin e rrugës. Rruga Lure- Peshkopi  është e bllokuar, por komunikimi me qendrën administrative Lurë  bëhet nga Rrësheni.

Gjatë orëve të natës, reshjet e dëborës kanë përfshirë disa zona në vendin tonë. Autoriteti Rrugor Shqiptar bën me dije se qarkullimi aktualisht po vijon pa probleme.

Në njoftimin e bërë në rrjetet sociale bëhet apel që shoferët të tregojnë kujdes të shtuar gjatë drejtimit të automjetit dhe të pajisen me goma dimërore.

‘Gjatë natës ka pasur reshje dëbore me intensitet mesatar në Korçë-Dardhë, në Llogara, në Kukës-Ura e Zapodit, Pukë-Fushë Arrëz, Qafë Mali-Fierzë, Qafë Bualli-Krastë, ku është punuar me mjete borëpastruese dhe qarkullimi kryhet pa probleme. Kontraktorët me mjete e punëtorë kanë qenë në terren gjatë gjithë natës për të mbajtur qarkullimin në normalitet. Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore.’- njofton ARRSH.

Gjatë natës ka patur reshje dëbore në Llogara. Trashësia ka arritur deri në 5 cm.

Rruga është e kalueshme pasi janë 2 borëpastruese që po pastrojnë rrugën, po ashtu është duke u hedhur kripë e skorje duke mos u krijuar për asnjë çast problematika në qarkullimin e mjeteve.