Sport

Vijojnë surprizat në US Open/ Pas tërheqjes së Djokovic eliminohet Federer, në gjysmëfinale Williams

Grand Slam-i US Open vijon të prodhojë surpriza të tjera pas tërheqjes së Xhokoviç. Turneut ia ka thënë mirupafshim edhe Roger Federer, i cili është mposhtur në çerekfinale nga bulgari Dimitrov.

Redaksia 4 Shtator 2019, 13:57 | Përditesimi: 4 Shtator 2019, 14:19

US Open vijon të prodhojë surpriza të tjera pas tërheqjes së numrit 1 në botë Novak Djokovic. Largimi i serbit krijoi përshtypjen e një finaleje mes dy tenistëve më të mirë në të gjithë kohën Roger Federer dhe Rafael Nadal, po gjasat që kjo të ndodhë tani janë zero.

Arseja është se në mënyrë suprizë Roger Federer është mposhtur në çerekfinale 5-0 me sete nga bullgari Grigor Dimitrov, I cili nga ana tjetër për herë të parë në karrierën e tij arrin në një gjysmëfinale ‘Grand Slam-i’. Kjo gjithashtu ishte edhe hera e parë në karrierë që 28-vjeçari Dimitrov mposht zvicerianin Federer. Në gjysmëfinale Dimitrov do të përballet me rusin Daniil Medvedev, i cili në çerekfinale mposhti gjithashtu një emër të njohur të tenisit si Stanislas Wawrinka.

Ndërkohë në tenisin për femra Serena Williams preu biletën e gjysmëfinales pasi në çerekfinale mposhti 2-0 me sete kinezen Wang. Një sfidë që u duk mjaft e lehtë për amerikanen e cila duelin e mbylli për 44 minuta duke fituar 6-1 dhe 6-0. Përballë në gjysmëfinale Willimas do të ketë ukrainesen Elina Svitolina.