Si pasojë e reshjeve të dëborës situata vijon që të jetë problematike në disa qarqe të vendit nga veriu dhe verilindja. Qarqet ku ka zona të thella të bllokuara janë; Kukësi, Dibra, Shkodra, Gjirokastra, Lezhë por edhe Korça. Në Lezhë dhe Shkodër ka probleme me energjinë në disa zona, ndërsa në Dukagjin shkollat vijojnë të mbyllura.
Gjatë natës ka pasur reshje dëbore në lartësi. Temperaturat janë qenë të ulëta. Përsa i përket akseve nacionale, ARRSH raporton se nuk ka asnjë të bllokuar, ndërsa në disa prej tyre rekomandon përdorimin e zinxhirëve.
Në qarkun e Dibrës situata vijon që të jetë mjaft problematike. Në Tërnovë të Madhe dhe të Vogël në Bulqizë 115 familje janë të bllokuara prej 13 ditësh. Në këtë zonë nuk ka infermier, ndërsa banorët apelojnë për ndihmë, pasi u kanë mbaruar edhe ushqimet. Gjithashtu probleme ka edhe në Shupenzë dhe zona të tjera të thella. Edhe banorët e fshatit Selicë në njësinë administrative Komsi prej 7 ditësh vijojnë që të jenë të bllokuar dhe pa energji elektrike. Banorët apelojnë për ndihmë, pasi u kanë mbaruar ushqimet. ‘Jemi të bllokuar, askush nuk na ka ardhur në ndihmë deri tani’ shprehen ata.
Në qarkun e Shkodrës, Nj. Adm. Shosh është e bllokuar nga dëbora dhe akulli. Ka rreth 60-80 cm borë nëpër fshatra, mbi 100 cm borë në Malin e Shoshit. Në këtë zonë mungon shërbimi shëndetësor. Temperaturat e ulëta arrijnë deri -10 gradë duke kanë krijuar akull edhe në rrugët këmbësore që përbën rrezik për banorët. Ndërkohë që shkollat janë të mbyllura. Në Nj. Ad. Shalë qendra shëndetësore është e hapur, por rruga është e bllokuar. Njësia Administrative Guri i Zi me përjashtim të zonës malore e cila ka prani të dëborës dhe ngricës pjesa tjetër është një ditë normale. Ka ndërprerje të energjisë elektrike.
Në qarkun e Lezhës po punohet për të hapur rrugët me fshatrat e thella në Nj. Ad. Selite e Orosh. Furnizimi me energji ka qene me ndërprerje ne disa zona kryesisht ne Nj.Ad. Selite e Orosh, qe furrnizohet nga nenstacioni Burrel.
Në qarkun e Gjirokastrës, në bashkinë Libohovë rrugët në Nj. Ad. Zagorie, fshatrat Zhej, Lliar, Konckë, Hoshtevë, Doshnicë janë të bllokuara. Gjithashtu rruga Këlcyrë - Malëshovë - Leskaj - Limar vazhdon e bllokuar.
Në qarkun e Kukësit vijojnë reshjet e dëborës. Në Kukës, është e bllokuar Nj.Ad. Arrën. Janë të bllokuara një pjesë e rrugëve të fshatrave të Nj.Ad.Zapod, Kalis, Bushtricë, Shishtavec, Topojan, Grykë-Çajë, Surroj dhe Malzi. Në Tropojë është e bllokuar rruga që lidh Nj.Ad. Lekbibaj me fshatrat saj. Rrugët nacionale në qark janë të kalueshme, disa prej tyre me zinxhirë;
Rruga e Kombit është e kalueshme pa zinxhirë.
Rrugët nacionale Kukës janë të kalueshme pjesërisht me zinxhirë.
Rrugët nacionale Has e Tropojë janë të kalueshme pa zinxhirë.
ARRSH raporton se nuk ka asnjë aks nacional të bllokuar, ndërsa në disa prej tyre rekomandon përdorimin e zinxhirëve.
Situata në akset kombëtare të vendit
Rajoni Verior: Gjatë natës ka pasur temperatura të ulëta. Në të gjitha akset ku ka prezencë ngricash, është bërë shpërndarja e kripës nga ana e kontraktorëve.
Segmentet që janë të kalueshme me zinxhir, ose pjesërisht me zinxhir janë:
Domaj-Draje Rec
Ura e Cerenecit-Steblevë
Kuben-Vasije
Peshkopi- Qafë Drajë
Peshkopi-Ushtelencë
Ura Cerenecit-Steblevë
Qafë Bualli-Krastë
Trebisht-Doganë.
Në akset e tjera qarkullimi është normal.
Rajoni Qendror: Gjatë natës ka pasur temperatura të ulëta. Është punuar nga kontraktorët që në orët e para të mëngjesit për shpërndarjen e kripës në segmentet ku ka prezencë ngricash.
Qarkullimi në akset e këtij Rajoni është si më poshtë:
Aksi nga Trau i Dajtit-Teleferik-Vilat Qeveritare rekomandohet përdorimi i zinxhirëve , për shkak të prezencës së ngricave.
Qafë Priskë-Shëngjergj rekomandohet përdorimi i zinxhirëve për shkak të prezencës së ngricave.
Qafë Priskë-Qafë Mollë rekomandohet përdorimi i zinxhirëve.
Qafë Mollë-Shëngjergj, rekomandohet përdorimi i zinxhirëve, për shkak të ngricave.
Aksi Krujë Sarisalltik rekomandohet pjesërisht me zinxhir.
Lunik-Steblevë rekomandohet me zinxhir në pjesën fundore të tij.
Në akset e tjera qarkullimi është normal.
Rajoni Jugor: Gjatë natës ka pasur reshje bore në lartësi, që shkojnë 5-15 cm. Temperaturat kanë qenë të ulëta, sidomos në Qarkun e Korçës. Që në orët e para të mëngjesit, është bërë shpërndarja e kripës nga ana e kontraktorit, për shkak të prezencës së ngricave në rrugë.
Qarkullimi në akset e këtij Rajoni paraqitet si më poshtë:
Në Qarkun Korçë qarkullimi rekomandohet me zinxhirë në:
Korçë Boboshticë.
Dardhë dhe Qafë Qarri - Ersekë.
Në Qarkun Gjirokastër qarkullimi normal pa probleme.
Në Qarkun Vlorë qarkullimi i mjeteve bëhet normalisht pa zinxhirë.
Lajme të tjera
-
Reshje bore në Rrugën e Kombit, lëvizni me kujdes! Trashësia 5 cm në Tunelin e Kalimashit! Mungesë energjie në fshatrat e Kukësit dhe Korçës
23 Nëntor, 11:28
-
Moti i keq në aksin Fushë Arrëz-Mirditë/ Vërshimi i ujërave nga mali bllokon qarkullimin në tunelin e Gojanit
22 Nëntor, 20:26 -
Moti i keq në Dibër/ Vërshimi i ujërave dhe rrëshqitje dherash në Bypass-in e ‘Rrugës së Arbrit’, qarkullim me vështirësi i mjeteve
22 Nëntor, 19:56 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
VIDEOLAJM/ Erërat dhe stuhitë prishin çatinë e Pallatit të Kulturës në Bulqizë
22 Nëntor, 16:24 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Rrebeshe e shtrëngata në gjithë vendin, Gjoni për Report Tv: Nga mesdita e së shtunës ikin reshjet, por ulen temperaturat
22 Nëntor, 12:57 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44 -
Moti i keq/ Disa fshatra pa energji elektrike në Kukës! Fierza në ‘krizë’ për ujë
22 Nëntor, 12:35 -
Moti i keq/ Rrëshqitje gurësh në aksin Skuraj-Burrel (VIDEO)
22 Nëntor, 12:30 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11
