POP 5

Lajmet më të lexuara të 5 minutave të fundit

Bota

Vijojnë tensionet civile në Iran, Gjykata e Lartë konfirmon një tjetër dënim me vdekje për një protestues: Luftoi kundër Zotit

Për më shumë se 4 muaj, Irani është në flakë protestash të përgjakshme. Në trajtat e një revolucioni, duket se gratë janë me një synim të vetëm, të shpëtojnë nga patriarkati.

Vijojnë tensionet civile në Iran, Gjykata e Lartë konfirmon një tjetër dënim me vdekje për një protestues: Luftoi kundër Zotit

Protestat në Iran

IRAN- Për më shumë se 4 muaj, Irani është në flakë protestash të përgjakshme. Në trajtat e një revolucioni, duket se gratë janë me një synim të vetëm, të shpëtojnë nga patriarkati.

Por ky objektiv, ka shumë shkallë vështirësie që të arrihet.

Gjykata e Lartë e Iranit konfirmoi një tjetër dënim me vdekje për një pjesëmarrës në protestat që kanë tronditur vendin që nga shtatori, duke e çuar numrin e personave të dënuar në më shumë se 20.

Burri, i identifikuar si Mohammed B., u dënua si i akuzuar për plagosje të forcave të sigurisë me një armë. Sipas opinionit ligjor islamik në Iran, akuza ishte "luftë kundër Zotit", e cila dënohet me vdekje .Ai u akuzua gjithashtu për djegien e një ndërtese qeveritare.

Aktivistët e të drejtave të njeriut kanë denoncuar në mënyrë të përsëritur procedurat e shkurtuara ligjore. Pasi të konfirmohen nga Gjykata e Lartë, vendimet nuk mund të apelohen më.

Deri më tani, dy demonstrues janë ekzekutuar në Iran për përfshirjen e tyre në protesta. Sipas raporteve të mediave iraniane, më shumë se 20 protestues të tjerë janë në listën e dënimeve me vdekje të gjyqësorit.

Mbi 500 demonstrues janë vrarë në protesta, sipas grupeve të të drejtave të njeriut.

Goditja e dhunshme ndaj protestuesve dhe veçanërisht dy ekzekutimet u dënuan brenda dhe jashtë vendit.

Në fundjavë, forcat e sigurisë në qytetin kurd të Jaëanrud në veriperëndim të vendit goditën përsëri me dhunë një shërbim funerali për protestuesit e vrarë.

Protestat e përgjakshme në Iran e kanë zanafillën në shtator të 2022, kur pa të drejtë Policia e Moralit vrau një 22-vjeçare me argumentin se nuk kishte vendosur në mënyrë korrekte hixhabin.

Gruaja kurde iraniane ishte arrestuar nga e ashtuquajtura policia e moralit për shkelje të kodit islamik të veshjes së vendit.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43