POP 5

Lajmet më të lexuara të 5 minutave të fundit

Ekonomi

Vijon ecuria pozitive e ekonomisë! Në 5 muaj në buxhet u arkëtuan 287 mld lekë të ardhura, shpenzimet mbi 236 mld

Ekonomia po regjistron ecuri pozitive, pasi si të ardhurat ashtu edhe shpenzimet janë në rritje të fortë krahasuar me vjet. Ministria e Financave raporton se nga janari deri në maj janë mbledhur mbi 287 miliardë lekë, ku rritja më e madhe është regjistruar nga të ardhurat nga punësimi dhe nga TVSH-ja.

Rreth 287.1 miliardë lekë janë arkëtuar në buxhetin e shtetit në 5 mujorin e parë të këtij viti, duke u rritur me 11.2% krahasuar me të njëjtën periudhë të 2023-shit. Ministria e Financave thotë se përgjatë muajve janar-maj janë mbledhur 29 miliardë lekë më shumë se vjet.

Në raport me vjet të ardhurat nga TVSH-ja janë rritur me 24.2%, dhe në total janë mbledhur 23.2 miliardë lekë ose 4.5 miliardë më shumë se vjet. Rritja e arkëtimeve nga TVSH-ja sinjalizon shtim të konsumit por edhe reflekton çmimet e larta që vijon të ketë vendi.

Në këtë periudhë janë rritur me 17.5% edhe të ardhurat nga tatimi i pagave. Sipas të dhënave të ministrisë janë mbledhur 26.8 miliardë lekë nga ky tatim duke tejkaluar edhe planet e qeverisë. Ndikim në këtë rritje ka dhënë edhe rritja e pagave të administratës publike.

Njëkohësisht janë rritur edhe kontributet për sigurime shoqërore dhe shëndetësore me 15.2%, dhe të total përgjatë 5-muajve janë mbledhur 63.4 miliardë lekë ose 8.4 miliardë lekë më shumë se 5-mujori 2023. Po ashtu janë rritur edhe të ardhurat doganore, me 6.6%, dhe në total janë arkëtuar 89.7 miliardë lekë.

Sa i takon shpenzimeve, në 5 muaj ato arritën në 236.6 miliardë rreth 14.3 miliardë lekë më shumë se vjet.

Kjo ecuri e ekonomisë ka rol kyç edhe në rishikimin që pritet të pësojë buxheti i shtetit, ku do të reflektohen edhe treguesit e ri për të ardhurat dhe shpenzimet.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Ilir Yzeiri: Sistemi ynë mbështetet te mediokriteti kolektiv

Ilir Yzeiri: Sistemi ynë mbështetet te mediokriteti kolektiv

24 Janar, 12:20 nga Ilir Yzeiri