Vijon krisja e LSI-së me PD-në, Xhixho-socialistëve në Këshillin e Legjislacionin: Jeni mësuar me opozitë false, por realiteti ka ndryshuar

Përfshirja e Ilir Metës në "Trekëndëshin e Bermudës", nga kryedemokrati Lulzim Basha ka nxjerrë në pah një marrëdhënie të krisur mes PD-së dhe LSI-së, që u reflektuar edhe sot në Këshillin e Legjislacionin. Deputetja e LSI-së, Erisa Xhixho, duke iu drejtuar mazhorancës, lidhur me ndryshimet Kushtetuese, tha se "janë mësuar me opozitë false, por që gjërat kanë ndryshuar". 

"Ndryshimet në Kushtetutë janë bërë një praktikë rutinë, gjë që dëshmon mungesë serioziteti dhe paaftësi të klasës politike. Gjykoj se një analizë e detajuar e ecurisë së reformës do të na ndihmonte të krijonim bindje për domosdoshmerinë e ndryshimit të propozuar. Ndryshimet në kushtetute nuk mund të na vijnë papritur dhe të vihemi para faktit të kryer. Nëse ju si maxhorancë keni krijuar një bindje të caktuar për këtë ndryshim, për sa kohë duhen edhe votat e opozitës, duhet të na jepni kohën e nevojshme që edhe ne të krijojmë bindjen tonë.

Të mësuar me “fake opozitën”, me të cilën ju të maxhorancës i bëtë ndryshimet e Kushtetutës në pranverën para zgjedhjeve te 25 prillit, duhet të kuptoni se realiteti politik ka ndryshuar. Ndryshimet në kushtetutë kanë nevojë për më shumë transparencë, kanë nevojë për më shumë sinqeritet, për frymë bashkëpunimi. Padyshim edhe për praninë e mendimit të ekspertëve tanë më të mirë, e madje mendimi i konstitucionalistëve duhet të prevalojë në këtë proces", tha Xhixho. 

LEXO EDHE:
PD 2 amendamente për SPAK : Prokurorët të kenë ndihmesa! Tahiri u lirua në Elbasan, vendimet t’i japë vetëm GJKKO

Lajmi kryesor:

Afati i vettingut, PD: T'i diskutojmë me propozimet tona për ndryshimet kushtetuese! PS: S'ka kohë për të pritur! Demokratët ikin nga mbledhja, rri LSI

B.K./Shqiptarja.com

TAG:
• PS
• PD
• Kuvendi i Shqiperise
• ndryshimet kushtetuese
• Alfred Rushaj