POP 5

Lajmet më të lexuara të 5 minutave të fundit

Ekonomi

Vila e pritjes së qeverisë
gati për privatët

Kjo rezidencë, që ndodhet pak pasi kalohet tuneli i Vlorës, ka qenë në qendër të debateve të shumta si pasojë e Vlerës së mobilimit të saj, aq më tepër në kushtet e krizës ekonomike, që ka detyruar qeverinë të bëjë jo pak herë edhe shkurtime të investimeve të parashikuara në disa sektorë prioritare për vendin.
Vila e pritjes së qeverisë<br />gati për privatët
TV Top Channel ka bërë dje publike pamje të Vilës qeveritare nr. 1 në Vlorë, rezidencë qeveritare e rikonstruktuar së fundmi nga qeveria në një shifër të përafërt me gjysmë miliardi lekë. Kjo rezidencë, që ndodhet pak pasi kalohet tuneli i Vlorës, ka qenë në qendër të debateve të shumta si pasojë e Vlerës së mobilimit të saj, aq më tepër në kushtet e krizës ekonomike, që ka detyruar qeverinë të bëjë jo pak herë edhe shkurtime të investimeve të parashikuara në disa sektorë prioritare për vendin.

Sipas kronikës, qeveritarëve nuk u ështëe dridhur dora të para shpenzimeve të tilla, si kolltukë të shtrenjtë, që janë ende në qese, ashtu siç është llampadari që dallohet në krye të dhomës. Edhe në dhomat e tjera mund të dallohen mobiljet ende te papërdorura, poltrona në qesë, tavolina të reja dhe mobilje të tjera luksoze. Më tej një salle mbledhjesh me një tryezë të gjatë dhe karrike lëkure, edhe këto të reja.

Gjatë korridoreve mund të shihen pasqyra të mëdha të punuara. Diku dallohet bari, kuzhina e madhe edhe këtu me pajisje të gjitha në qese, por edhe pishina buzë detit. Një mobilim i parashikuar për një objekt të nivelit të lartë elitar në rrymën neoklasike-moderne, që do të përdoret nga kryeministri i vendit Sali Berisha. Sipas të dhënave ende të pakonfirmuara nga Drejtoria e Shërbimeve Qeveritare, administrimi i saj i është një ish-volejbollisteje, që banon në Greqi dhe e cila duket se ka vënë emrin e saj në dispozicion për një operacion privatizimi të ardshëm.

 Shpenzimet marramendëse, rikonstruksioni dy herë i vilës dhe milionat e harxhuara duket se kanë destinacion të qartë privatizimin e afërt të saj duke injoruar dhe ish-pronarët e tokës, të cilëve u është njohur pronësia, por nuk i lejojnë të afrohen aty. Vila është dhënë me qira dhe po mobilohet në emër të personit, që e ka marrë me qira me qëllim blerjen sipas ligjit të emfiteozës.
(shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Adele i jep lamtumirën fansave: Nuk e di se kur do të rikthehem sërish

Adele i jep lamtumirën fansave: Nuk e di se kur do të rikthehem sërish

25 Nëntor, 16:14