Trajneri i ekipit të Barcelonës Vilanova pas humbjes së thellë dhe eleminimit të turpshëm me Bayernin e Mynihut ka folur për mediat edhe për mungesën e Lionel Mesit në fushë.

“Messi u stërvit me skuadrën të martën e të mërkurën, por nuk ndihej mirë.

Vendosa që të mos luante pasi ekzistonte rreziku që të këpuste ndonjë ligament.

Mendoj se mungesa ishte e rëndësishme, pasi është njëlloj nëse Bayern do të kishte qenë pa Ribery apo Robben, ç’ka nuk do të ishin në këtë nivel ku u shfaqën” thotë tekniku.

Përsa i përket të ardhmes ai shprehet se katalanasit kanë nevojë për një riformatim të plotë për edicionin tjetër, pasi ekipi ka shumë problem, sidomos në prapavijë.


d.b/shqiptarja.com