POP 5

Lajmet më të lexuara të 5 minutave të fundit

Shëndeti

Virozat e stinës mbushin urgjencën e pediatrisë, mjeku: Simptomat kryesore janë kolla dhe temperatura e lartë

Virozat e stinës kanë shtuar pacientët që i drejtohen urgjencës pediatrike dhe qendrave shëndetësore për të marrë trajtim. Simptomat kryesore janë temperaturë e lartë, kollë e thatë, dhe alergjitë e stinës

Moti i paqëndrueshëm dhe ndryshimet stinore kanë mbushur urgjencën pediatrike me fëmijë që të cilët janë prekur nga virozat e stinës. Simptomat kryesore janë temperaturë e lartë, kollë e thatë dhe diarre.

'Është me bark dhe me të vjellë. Ka rreth 3 ditë. E vizitova tek doktori i lagjes, më dha shurup, por nuk i ka kaluar fare.'- u shpreh një prind.

'Është me të vjella dhe po i bëjnë serum. Ka pas kollë, grip, temperaturë.'- tha një tjetër.

Mes tyre ka dhe pacientë të cilët kanë shfaqur simptoma alergjie nga poleni i luleve.

'Tip alergjie, mbase dhe nga lulet.'- tha një pacient.

Mjeku pediatër Bektash Madri thotë se vetëm në qendrën shëndetësore NR 10 bëhen në ditë deri 20 konsulta në ditë dhe më të prekurit janë fëmijët 1- 7 vjeç.

'Luhatja e temperaturave na sjell ata që quhen nazofaringitet ose ata që quhen ftohje të zakonshme, të cilat shoqërohen nga sekrecione nga hundët shpeshherë të teshitura, dhimbje grykësh, temperaturë që shkon 37-38 deri në 38 e gjysmë. Edhe alergjitë, personat që janë me imunitet të kompromentuaar siç janë asmatikët. Shfaqen në këtë momente. Kanë të teshtitura, skuqje të syve , skuqje të trupit'- tha Bektash Madri mjek  pediatër.

Duket se Covid 19  i ka lënë vendin virozave të stinës, dhe doktor Madri jep disa këshilla.

“Në institucionet parashkollore , në shkolla, në qendrat tregtare e vetmja këshillë që mund t’u jap është higjiena domethënë po mbajte duart pastër, po nuk konsumove ushqime me duar të palara , po nuk preke në çdo moment pjesë të fytyrës mund të shmangësh marrjen e një virusi të mundësh stinor.”

M.Q./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Spikat derbi i kryeqytetit, Vllaznia pret kampionët në fuqi! Agjenda e raundit të 22-të në Superligë, dy debutime trajnerësh

Spikat derbi i kryeqytetit, Vllaznia pret kampionët në fuqi! Agjenda e raundit të 22-të në Superligë, dy debutime trajnerësh

24 Janar, 12:17