POP 5

Lajmet më të lexuara të 5 minutave të fundit

Ekonomi

Virusi i rrezikshëm/Shqipëria embargo shpendëve nga 15 vende! Ministrja Ekonomi: Ndalimi në koordinim me BE-në

Ministria e Bujqësisë ka vendosur ndalimin e importin të shpendëve dhe nënproduktet e tyre nga 14 shtete për shkak të sëmundjes, ‘embargoja’ përfshin Gjermaninë, Kroacinë, Francën, Holandën etj. Vendimi pas sinjalizimit të BE-së.

TIRANË- Shqipëria ka ndaluar rreptësisht importimin e shpendëve dhe nënproduktet e tyre nga 14 shtete, për shkak të virusit të rrezikshëm, i njohur si gripi i shpendëve. Urdhri është firmosur nga ministrja e Bujqësisë dhe Zhvillimit Rural, Milva Ekonomi, në datën 14 janar 2021, ndërsa ka hyrë në fuqi ditën e djeshme, duke u botuar në Fletoren Zyrtare. Urdhri parashikon ndalimin e importimit të shpendëve nga Polonia, Hungaria, Gjermani, Holanda, Ukraina, Lituania, Sllovakia, Izraeli, Çekia, Rumania, Bullgaria, Kroacia, Danimarka, Franca dhe Lituania. Ndalimi është në fuqi deri në daljen e një urdhri të dytë. 

Ndalohet importimi i shpendëve të gjallë shtëpiakë dhe të egër, zogjve 24 orësh, shpendëve dekorativ, materialit biologjik të shpendëve, vezëve të shpendëve, mishit të shpendëve dhe nënprodukteve të shpendëve. Urdhri nuk sqaron llojin e sëmundjes që të prekur shpendët në këto shtete dhe zonat e tyre, por nga verifikimet, bëhet fjalë për gripin e shpendëve, i cili rikthehet herë pas here. Ministrja Milva Ekonomi, gjatë një konference për shtyp me kryeministri Edi Rama për sektorin e bujqësisë, e pyetur nga gazetarja e Report Tv rreth kësaj çështje, Klesiana Omeri, u shpreh se urdhri ndalues është firmosur në koordinim me agjencitë përkatëse të BE-së. 

Ekonomi u shpreh se “Urdhri ka ardhur si rezultat i bashkëpunimit me Bashkimin Evropian dhe si rezultat i disa analizave që dalin pasi shikohen të gjitha parametrat. Asnjë hap në këtë fushë nuk bëhet pa qenë në komunikim të vazhdueshëm me agjencisë përkatëse të Bashkimit Evropian. Shqipëria nuk merr asnjëherë vendim e vetme”. Gjatë viteve të kaluara, në periudha të caktuara, Shqipëria ka vendosur ‘embargon’ e pulave me disa vende, për shkak të gripit të shpendëve.

Urdhri për për 'embargon' e pulave

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Paradhoksale: 26/01/2021 16:41

    Po nga Kina e Afrika le të vazhdojmë të importojmë???!..po Shqipëria e industria e mishit a full me Pula Brazili,e Derr pe derrash

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57