Visar Bekaj largohet falas, Tirana kërkon rikthimin e lojtarit të Kombëtares

Visar Bekaj largohet falas, Tirana kërkon rikthimin e lojtarit të Kombëtares

Visar Bekaj

Visar Bekaj po luan ndeshjet e fundit me Tiranën. Portieri i bardhebluve dhe Kosovës do largohet falas nga kampionët në fuqi të Superligës, teksa ka gjetur akordin në Turqi me Hatayaspor. Pas tre sezoneve në Superligë me Tiranën, 26-vjeçari i lindur në Prishtinë duket se ka firmosur një parakontratë me skuadrën turke dhe edicioni i ri do e gjejë në Ligën e Parë turke.

Hatayaspor, pas tërmetit që goditi Turqinë u largua nga Superliga dhe sezonin e ri do luajë në Ligën e Parë turke. Trajneri i ekipit, Volkan Demirel ka qenë personalisht një javë më parë në Shqipëri dhe duket se akordi është gjetur, duke pritur fundin e sezonit.

Me 33 ndeshje këtë sezon në Superligë, Bekaj ka luajtur 2967 minuta dhe ka mbajtur portën për 12 herë të paprekur. Veç ndeshjeve në Superligë, shqiptari i Kosovës ka luajtur në total 42 ndeshje, në Kupë dhe kompeticionet evropiane.

Veçse në dalje, Tirana po punon edhe për afrimet. Emri më i lakuar është ai i mbrojtësit të djathtë, Albi Doka. Ish-i i bardhebluve prej disa sezonesh po luan jashtë vendit, teksa pas rrëzimit të Budapest Honved në Hungari në Ligën e Parë, duket se ai do largohet falas. Një rikthim i tij te Tirana nuk duket i pamundur.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Jakin Marena: Heshtja e Kurtit për presionin e Greqisë ndaj Shqipërisë për ‘Belerin’

Jakin Marena: Heshtja e Kurtit për presionin e Greqisë ndaj Shqipërisë për ‘Belerin’