‘Vishen me rrobat e Dolce Gabbana ndërkohë që vijnë era gjellë Shqipërie’, biznesmeni Elton Ilirjani indinjohet me artistët shqiptarë...

TIRANË- Elton Ilirjani është një.nga figurat publike që ka pranuar hapur prirjet e tij seksuale. Biznesmeni e mbështet hapur  komunitetin LGBT, i ftuar sot në një lidhje skype nga SHBA për emisionin ‘Rreze Dielli’ në lidhje me dilemat e fëmijëve transgjinor ai u shpreh se që në moshën 7-vjeçare e ka ndjerë veten e tij si femër, ndërsa tha që prindërit nuk duhet të vendosin limite por t’i lënë fëmijët të lirë dhe të kujdesen për mirëqenien e tyre, jo mënyrën se si duken.

Ai u shpreh i shqetësuar se mos liria e personave që i përkasin komunitetit LGBT, mund të shkaktojë pasoja të rënda psikologjike tek ata:

‘’Unë njoh shumë persona në Shqipëri të fshehur, që në shumë raste jane kthyer depresivë ose mund t’ju them një rastin tim të fundit fare që online kontaktohesha nga dikush i cili nuk më shfaqte identitetin dhe më shkruante plot katër muaj rresht. Dhe ai nuk e shfaqi kurr identitetin. Kaq të fshehtë dhe kaq jo të qetë me veten. Vura re që kalojnë deri në psikoza, domethenë këta mund të jenë nesër psikopatë të ardhshëm, të cilët mund të bëjnë vetvrasje, mund të marrin armën dhe të godasin grupe të caktuara të shoqërisë, të hyjnë në një gay bar dhe të vrasin ata mund të kthehen të vrasin prindërit e tyre, pra mos të qënit të lirë në mendime sjell mosliri në shpirt dhe pastaj sjell probleme të tjera’’ u shpreh ai. 

LEXO EDHE:
“Kam frikë se ma marrin”, Anxhela Peristeri tregon pse nuk publikon foto me partnerin

Ndër të tjera ai tha i indinjuar se artistët shqiptarë  sipas tij nuk e shfaqin veten për atë që janë dhe të vihen në mbrojtje të kauzës por i cilësoj si ‘ hipokrit’ që qëndrojnë të fshehur :

‘’Cilët janë këta artistë që më shkruajnë mua në privatë dhe më dërgojnë foto nudo të trupit të tyre dhe të organeve të tyre gjenitale dhe nuk pranojnë të vijnë në studion tuaj, kjo është hipokrizi e mbështjellë bashkë edhe me pak post-komunizëm edhe me atë shoqërinë provinciale aty që unë nuk dua të ndalem shumë. Nuk habitem, ajo që dua të përçoj, ata që e quajnë veten artistë, ata që pretendojnë se janë artistë  në Shqipëri duhet që të paktën të mbrojnë, këtë komunitet janë kolegët e tyre më të famshëm  në botë Elton John, Sam Smith janë të gjithë persona të komunitetetit LGBT. Ke persona të botës së artit, ata vishen me rrobat e Dolce Gabanna  ndërkohë që vijnë era zjarr dhe era fli dhe era gjellë Shqipërie. Kjo është e tmerrshme, ti nuk mund të jesh artist nëqoftese ti nuk mbron lirinë, nuk mbron të drejtën e njerëzve të jetojnë të lirë’’  përfundoi ai.

D.M./Shqiptarja.com

TAG:
• intervistë
• rrezedielli
• elton ilirjani