POP 5

Lajmet më të lexuara të 5 minutave të fundit

Ekonomi

Vit i thatë/ Bie me 19% sasia e energjisë së prodhuar! Biznesi me kursim, familja harxhoi më shumë

Mungesa e reshjeve ka ulur prodhimin energjisë në vend me afro 19% në tremujorin e dytë të vitit, duke bërë që të shtohen importe. Sipas të dhënave të INSTAT nga prilli në qershor qytetarët shpenzuan më shumë energji, ndërsa bizneset ishin më kursimtarë.

Reshjet e munguara të pranverës së këtij viti e ulën sasinë e energjisë së prodhuar nga hidrocentralet. Në tre muaj prill, maj, qershor është prodhuar në total 1.841 gigavat/orë energji, ose 18.9% më pak se në vitin 2023, kur në të njëjtën periudhë u prodhuan 2.269 gigavat/orë.

Referuar shifrave të INSTAT, 48.6% e energjisë së prodhuar ishte nga HEC-et private dhe koncesionare ndërsa pjesa tjetër prej 44.6%, u prodhua nga Kaskada e Drinit me hidrocentralet e Fierzës, Vaut të Dejës dhe Komanit.

Në këtë tremujor është disafishuar energjia e prodhuar nga impiantet fotovoltaike. Nga 26.161 megavat të prodhuara në tremujorin e dytë të vitit të kaluar sasia energjisë së prodhuar nga fotovoltaikët këtë vit ishte 124.783 megavat.

Në këtë periudhë të vitit është ulur konsumi i energjisë sipas INSTAT. Familjarët dhe bizneset në këtë tremujor konsuamuan në total 1.475 gigavat energji, nga 1.479 gigavat të shpenzuara vjet.

“Në rënien e përdorimit të energjisë elektrike nga konsumatorët kanë ndikuar konsumatorët jo familjarë, ku kemi një ulje të konsumit të energjisë elektrike me 2,3%, ndërsa energjia e konsumuar nga konsumatorët familjarë është rritur me 2.1%”, thuhet në raportin e INSTAT.

Si rezultat i rënies së prodhimit në këtë tremujor është rritur me 75.2% importi i energjisë, ndërsa eksporti ra me 15.4%. Si pasojë e defekteve teknike, jo teknike por edhe për shkak të konsumit vetjak, në këtë tremujor të dytë u humbën 323 gigavat orë energji e prodhuar, me rënie prej 10% krahasuar me vjet.

G.M./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • alfred: 29/08/2024 10:21

    Ka te dhëna per humbjet ne rrjet? Sa ka qene cmimi mesatar i ekpsport dhe i importit? sa eshte eshte rritur ne perqindeje prodhimi nga photovoltaiket dhe sa % e prodhimit te pergjitshhem? Nese biznesi ka harxhuar me pake do te thote qe ekonomia eshte tkurrur. Nese konsumi familjar eshte rritur nderkohe qe shqipera ka me pak banore do te thote qe disa biznese paguajne si familjare (hotelet dhe bizneset e vogla).. Nuk e di nese ka raporte dhe analiza te tilla publike por eshte koha qe ju gazetaret qe mbuloni kete sektor ti beni keto pyetje ne institucione dhe tia raportoni publikut.

    Përgjigju
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Thoma Gëllçi: Shqiptarë, zgjidhni dhe votoni!

Thoma Gëllçi: Shqiptarë, zgjidhni dhe votoni!

22 Janar, 23:03 nga Thoma Gëllçi