Në ditën e parë të vitit të ri shkollor 2024-2025, Ministri i Ekonomisë, Kulturës dhe Inovacionit, Blendi Gonxhja, ishte në shkollën profesionale Teknike Elektrike "Gjergj Canco" në Tiranë, ku këtë vit ka pasur një numër të lartë regjistrimesh: mbi 300 nxënës, duke arritur kapacitetin maksimal 1100.
Gjatë vizitës në klasat dhe laboratorët e shkollës, Ministri Gonxhja, u shpreh se jo vetëm në këtë shkollë, por në të gjitha institucionet arsimore me drejtim profesional kërkesat për regjistrime kanë qenë shumë të larta.
“Sivjet kemi rekord në regjistrime në shkollat profesionale, gati mbi 10%. Janë 4400 regjistrime më shumë. Shtatori është i hapur për regjistrime. Është një trend i cili po zgjerohet dhe tregon ndonjëherë që është zgjedhja e duhur për të kaluar direkt në këto profesione. Tregu i punës ju mirëpret këtu dhe kudo, por ne do donim që të ishit këtu. Po bëjmë çfarë të jetë e mundur që tregu i punës të jetë dinjitoz. Mos të ju prese me paga të ulëta, por sa më të larta.
Kemi kaq shumë kërkesa sivjet sa nuk kemi shkolla. Arsimi profesional mbetet prioritet qeveritar, kemi bashkëpunime me ndërkombëtarët, kemi regjistrime me shumë se çfarë kemi mundësi t’i përballojmë, po nisim investimet në shkollat e reja, s’keni asnjë lloj kufizimi që ju ta ktheni në cilësi mësimi dhe cilësi shërbimi, sepse tregu i punës është në ditët e veta më kërkuese edhe shpresojmë edhe me paga më të larta dhe ne shpresojmë shumë që pagat të jenë reale, të larta. Po incentivojmë shumë këtë pjesë që njerëzit të kenë arsye të qëndrojnë në Shqipëri”, u shpreh Ministri i MEKI, Z. Blendi Gonxhja.
Ministri Blendi Gonxhja gjatë vizitës ndër të tjera u shpreh:
“Ne do të mundohemi që tregu që ju pret të jetë dinjitoz, mos të jetë informal, mos të jetë abuziv, mos të jetë me paga të ulëta, mos të jetë shfrytëzues, por të jetë i drejtë sepse kemi shumë problematika me bizneset edhe me subjekte të cilat të drejtat e punëtorëve dhe punonjësve nuk i kuptojnë gjithmonë siç duhet. Fillojmë me kontributet që shpesh fshihen, e them këtë gjë sepse është dhe tema e pensioneve sot shumë e nxehtë, sepse pensionet nuk janë vetëm kur të na vijë mosha, sidomos për ju është shumë e largët ajo ditë, por ne po punojmë dhe përgatitemi për një treg pune, ku duhet të punojmë edhe për ata që janë prindërit tanë, të cilët në skemën e tyre janë të goditur nga informaliteti i sotëm sepse nuk e mbushim dot defiçitin e kontributeve me koston që kanë pensionet sot në mënyrë që jo vetëm që t’i rrisim, por edhe sikur të ulim këtë barrë që ka shteti në mënyrë që pastaj këto para të mund t’i jepnim si bonuse, në formën e kompensimit social për pensionistët, sipas kategorive”, tha Ministri.
Shkolla Teknike Profesionale "Gjergj Canco", është e orientuar në 2 drejtime: Elektroteknikë dhe Teknologji Informacioni dhe Komunikimi. Këtë vit të ri arsimor shkolla është pjesë e sitstemit dual, projekt pilot që nis për herë të parë në 10 institucione arsimore profesionale dhe do të realizohet në bashkëpunim të ngushtë me biznesin.
Në 31 shkollat profesionale të vendit do të marrin mësim mbi 15 mijë nxënës, ku 4450 janë regjistruar për herë të parë në klasë të Xl-të.
Lajme të tjera
-
Takimi i Ramës me pensionistët, Malaj: Po shqyrtojmë rritjen e bonusit të fundvitit, reformë në skemë! Gonxhe: 1/5-a e buxhetit shkon për to, 2-3 të punësuar për një pension
21 Tetor, 11:24 -
‘Expo Albania’ qendër e re për koncerte e panaire! Do ndërtohet në Farkë të Tiranës, 6 ha sipërfaqe, brenda edhe hotele me me 3-4 yje
14 Tetor, 17:55
-
‘Ma solle kafen si diversant’, Rama batuta me studentin në Elbasan: Mos je nga Gjirokastra ti?
20 Shtator, 19:05 -
Masterclass nga regjisori i njohur Mike Figgis, Shqipëria pret Javën Kulturore Britanike nga datat 16 deri më 22 shtator
15 Shtator, 12:39 -
FOTO/ Ja si duket pas rikonstruktimit shkolla ‘Kamber Benja’ në Këlcyrë
11 Shtator, 08:50 -
FOTO/ Ja si duken shkollat e reja në Durrës që hapën dyert këtë vit të ri shkollor
10 Shtator, 09:44 -
Vëzhgim i Report TV/ Mësim me turne në Berat dhe Lushnje! Mbyllen 14 shkolla në fshatrat e Korçës, Dibrës e Kukësit
9 Shtator, 14:37 -
Shqipëria i ka të gjitha mundësitë për një arsim elitar në Rajon!
9 Shtator, 12:31
-
Nisi shkolla, urojnë krerët e shtetit e politikës: Një vit i mbarë shkollor për nxënësit, mësuesit dhe prindërit
9 Shtator, 08:58 -
Nis viti shkollor, mbi 350 mijë nxënës në të gjithë vendin! 28 mijë të vegjël ulen për herë të parë në bankat e shkollës! Report tv në shkolla ‘Vasil Shanto’ dhe ‘Bashkim Fino’
9 Shtator, 07:17
-
Zgjedhjet 2025/ Drejtuesit politikë të PS! Veliaj, Spiropali e Manastirliu në Tiranë, ikën Klosi e Gjiknuri! Becit i besohet Shkodra, Sakos Durrësi! Balla përgjegjës për Diasporën
8 Shtator, 12:19 -
Nga mbrëmja me muzikë jazz, ekspozita kushtuar Van Gogh te workshop-i për lirinë e medias dhe shprehjes! Nis Java Kulturore Holandeze
7 Shtator, 17:51
