POP 5

Lajmet më të lexuara të 5 minutave të fundit

Kronikë

Viti i ri shkollor/ Kukësi mësim me 2 turne, Gjici: Duam fonde (VIDEO)

Viti i ri shkollor që fillon brenda dy javësh duket se do ti gjejë të papërgatitura një pjesë të institucioneve arsimore në Kukës. Vetë Kryetari i Bashkisë ka shprehur shqetësim për mungesën e investimeve dhe problemin me furnizimin me ujë të pijshëm. Gjici kërkoi fonde shtesë nga qeveria. Ndërsa përgjegjësi i Arsimit thotë se mësimi në shkollat e qytetit do të zhvillohet me dy turne.

Në kushtet e pandemisë kur kërkohet alkool dhe maska, shkollat e Kukësit nuk kanë as ujë në çezma.

Ky vit shkollor e gjen në vështirësi financiare Bashkinë e Kukësit, pasi disa institucione arsimore janë të amortizuara. Nga ana tjetër, gjithë qyteti i Kukësit po përballet me mungesën e ujit, dhe këtu nuk bëjnë përjashim as shkollat e kopshtet.

Kryetari i Bashkisë Safet Gjici përmes mediave apeloi qeverinë për fonde shtesë.

"Fondet janë të pakëta. taksat në kukës janë të ulta disa biznese janë në vështirësi, qeveria do të ishte mirë të na furnizonte me fonde posaçërisht për shkollat,"- tha Safet Gjici, Kryetar i Bashkisë Kukës 

Më tej Gjici theksoi se është ngritur një grup pune që po konstaton në terren të gjitha problematikat.

"Fonde nuk kemi shumë. Buxheti është llogaritur për situatë të zakonshme, por me sforco do të nisin vitin shkollor. Sa i përket mungesës së ujit, do të furnizojmë me bote shkollat ku ka mungesa me ujë të rrejedhshëm".

Ndërsa përgjegjësi i zyrës arsimore në Kukës deklaroi se në shkollat e qytetit mësimi do zhvillohet me dy turne.

"Shkollat në fshatra do të bëjnë mësim me një turn ndërsa shkollat e qytetit të Kukësit me dy turne", tha Skënder Ahmeti, Drejtor i Zyrës Arsimore Vendore Kukes

Edhe Ahmeti e vë theksin tek mungesa e ujit në shkollat e qytetit dhe fshatrave.

"Shpresojmë të kemi zgjidhje të pranueshme se duhet të pranojmë realitetin ku jemi në Kukës", u shpreh ai.

Bashkia e Kukësit ka rreth 78 objekte te arsimit parauniversitar në territorin e saj, ku një pjesë e konsiderueshme e këtyre objekteve janë në një shkalle amortizimi të lartë që kërkojnë investime të mëdha. 

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ani: 28/08/2020 12:21

    surratin si te gicit e ka ky derr gjici

    Përgjigju
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Njohja e periudhave të punës para ’94, miratohen ndryshimet te 'Ligjet', zv.ministrja Manjani: Do njihen pa pengesa proceduriale! Përfitojnë 40 mijë persona në vit

Njohja e periudhave të punës para ’94, miratohen ndryshimet te 'Ligjet', zv.ministrja Manjani: Do njihen pa pengesa proceduriale! Përfitojnë 40 mijë persona në vit

23 Janar, 14:27