POP 5

Lajmet më të lexuara të 5 minutave të fundit

Ekonomi

Viti nis me rënie të ardhurash! Në janar u mblodhën 6.9 mln € më pak se në 2020, ndikimin më të madh heqja e tatim-fitimit

Me 6.9 milionë euro kanë rënë të ardhurat në muajin e parë të vitit 2021. Sipas të dhënave të Ministrisë së Financave në janar u mblodhën në total 284.6 milionë euro, dhe rënia më e lartë ishte tek tatimi mbi fitimin që mblidhet nga biznesi.

Muaj janar të ardhurat në buxhetin e shtetit përsëri kanë pasur rënie, çka dëshmon se pandemia COVID-19, vijon të ketë ndikim negativ në ekonomi, edhe pse nuk jemi me masa kufizuese të plota. Te dhënat më të fundit të ministrisë së financave tregojnë se në muajin e pare të vitit janë arkëtuar 284.6 milionë euro, me një tkurrje prej më shumë se 6.9 milionë eurosh krahasuar me janari i 2020, kohë kur nuk kishte nisur pandemia në vendin tonë.

Sipas të dhënave deri në fund të janarit u mblodhën nga të ardhurat tatimore 274.5 milionë euro, duke u ulur me rreth 3.2 milionë euro krahasuar me vitin me të njëjtin muaj të vitit të kaluar. Ndërkohë nga TVSH-ja që është ndër zërat kryesor në të ardhura janë mbledhur 90.7 milionë euro, me një rënie me 2.3 milionë eurosh krahasuar me vitin e kaluar, çka tregon që konsumi dhe xhiroja e bizneseve përsëri është e ulët.

Të dhënat fiskale tregojnë se të larguarit nga puna si pasojë e pandemisë, janë ri-integruar në treg, për shkak se të ardhurat nga tatimi mbi pagën janë një rënie të lehtë. Nga ana tjetër është ndjerë menjëherë në buxhet heqja e tatimit mbi fitimin për bizneset me xhiro deri në 14 milionë lekë, pasi arkës së shtetit i mungojnë 5.6 milionë euro vetëm nga ky zë.

Nga tatimi mbi fitimin në muajin janar janë arkëtuar 12.5 milionë euro, nga 18.2 milionë euro që u mblodhën në vitin e kaluar, ndërsa nga tatimi mbi të ardhurat personale mungojnë vetëm 623 mijë e 379 euro.

Edhe në zërat e tjerë të ardhurave ka pasur rënie por tek bizneset duket se ajo është më e lartë. Por ndryshe nga muajit e kaluar të ardhurat nga pushteti vendor janë rritur me 931 mijë euro. Në total nga bashkitë në janar janë realizuar 10.8 milionë euro të ardhura nga 9.9 milionë në vitin e kaluar.

TË ARDHURAT NGA PUSHTETI VENDOR

Janar 2020                 9,949 mln euro

Janar 2021               10,880 mln euro

Diferenca                   +931 mijë euro

TATIM MBI FITIMIN

Janar 2020    18,256 mln euro

Janar 2021    12,572 mln euro

Diferenca           -5.6 mln euro

TË ARDHURAT NË MUAJIN JANAR

Janar 2020               291,547 mln euro

Janar 2021               284,625 mln euro

Diferenca                  - 6.921 mln euro

TË ARDHURAT TATIMORE

Viti 2020              277,808 mln euro

Viti 2021              274,521 mln euro

Diferenca                -3,286 mln euro

TË ARDHURAT NGA TVSH

Janar 2020                   93,045 mln euro

Janar 2021                   90,713 mln euro

Diferenca                      -2,331 mln euro

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Itali/ Zbulohet 'streha e kokainës', gjenden 76 kg drogë, pakot dorëzoheshin me furgon! Mes 2 të arrestuarve 1 shqiptar

Itali/ Zbulohet 'streha e kokainës', gjenden 76 kg drogë, pakot dorëzoheshin me furgon! Mes 2 të arrestuarve 1 shqiptar

24 Nëntor, 08:59