POP 5

Lajmet më të lexuara të 5 minutave të fundit

Opinion

Periferi

Vizioni 65 m2 i Albin Kurtit

Në Tiranë jemi mësuar me shumë teoricienë, që kur vjen puna për të folur e shkruar nga mëngjesi në darkë, krijojnë realitete virtuale fantastike, perfekte, por nëse dikush u lë në dorë çelësat e një përgjegjësie, të një pune konkrete, ia mbathin si fëmijët e llastuar përballë një lënde fizkulture, duke thënë: E ka fajin ai, unë s’kam faj.

Vizioni 65 m2 i Albin Kurtit

Nganjëherë entuziazmohemi nga metrat katrorë që një njeri publik, mendimtar, politikan, vizaton për veten duke kursyer për të tjerët. Dhe nuk e kemi gabim. Në kohën e urisë dhe babëzisë materiale 65 metrat katrorë (pak më shumë a pak më pak) të shtëpisë së Albin Kurtit thonë diçka. Por nuk mjaftojnë.

Dhe nuk është hera e parë që njerëz të fjalëve e të betejave, kur vjen fjala për punë, për zgjidhje, nuk ndriçojnë. Që nga zgjedhjet e Tetorit po kalojnë shumë ditë e shumë fjalë për formimin e qeverisë së Kosovës me Albin Kurtin e Vetvendosjes kryeministër dhe anëtarë të Lidhjes Demokratike të Kosovës, bashkëqeverisës. Por për të bërë një marrëveshje, një aleancë harmonike duhet art dhe të bësh art, veç fjalëve, duhet punë. Punë e mirë dhe e paqtë.

Pas vitesh opozitar Albin Kurti ka në dorë të qeverisë, por kjo fjalë e anatemuar, e sharë e mallkuar, nuk është për këdo. Në kohë të kohëve pak politikanë kanë treguar se dinë të bëjnë e të drejtojnë qeveri. Ata janë të veshur me aftësi të caktuara që tejkalojnë dogmat dhe formulat teorike që kishin në mendje më parë. Të bësh e të mbash qeveri duhet të kesh disa marshe më shumë, teorike, por sidomos praktike.

Në Tiranë jemi mësuar me shumë teoricienë, që kur vjen puna për të folur e shkruar nga mëngjesi në darkë, krijojnë realitete virtuale fantastike, perfekte, por nëse dikush u lë në dorë çelësat e një përgjegjësie, të një pune konkrete, ia mbathin si fëmijët e llastuar përballë një ushtrimi të vështirë fizkulture, duke thënë: E ka fajin ai, unë s’kam faj.

Në Kosovë, populli shqiptar i dha mundësinë Albin Kurtit që me fjalët të bëjë punë, por nuk ia bëri aq të kollajtë. Të kishte fituar me shumë avantazh, do të ishte rruga më e lehtë, por jo, në vështirësi njihen politikanët më të mirë. Dhe, a është i mirë Albin Kurti? Pas fitores, erdhi e bëri disa takime-falenderime-qoka në Tiranë. Nga përzgjedhjet e rënditja, tregoi shumë se çfarë zemre e vizioni ka. Urojmë të mos jetë, për të mirën e Kosovës e të popullit shqiptar, një zemër e vizion i “burgosur” në 65 metra katrorë pallat.

 

xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça