POP 5

Lajmet më të lexuara të 5 minutave të fundit

Kultura

Vizita e Papës, aktivitete te Muzeu
1 mijë gazetarë të huaj te Kongreset

Ministria e Kulturës zbardh pikat kryesore të ndërhyrjes së qeverisë për vizitën e Papa Françeskut në Shqipëri më 21 Shtator. Kreu i këtij institucioni, Mirela Kumbaro, ka prezantuar pikat bazë ku po kushtohet vëmendja për vizitën e Papës.  VIDEO
TIRANE - Ministria e Kulturës zbardh pikat kryesore të ndërhyrjes së qeverisë për vizitën e Papa Françeskut në Shqipëri më 21 Shtator. 

Kreu i këtij institucioni, Mirela Kumbaro, ka pohuar se ristrukturimi i sheshit “Nënë Tereza”, kthimi i Pallatit të Kongreseve në vend, akreditimi për gazetarët e huaj dhe ndërhyrja në Muzeun Historik Kombëtar, janë tre pikat bazë ku po kushtohet vëmendje. 

“Ne po punojmë si në planin e ndërhyrjeve fizike në tre pika qendrore të qytetit të Tiranës, sheshin “Nënë Tereza” ku është parashikuar ne protokollin e Vatikanit mesha e Shenjtë. Në Pallatin e Kongreseve ku po bëhen ndërhyrje të rëndësishme sepse parashikohet që Pallati i Kongreseve te kthehet ne një qendër të madhe mediatike për gazetarët e shumtë. Parashikohen 1000 gazetarë të huaj që do të vijnë nga vende të ndryshme të botës dhe nga kanalet më të rëndësishme kombëtare. Muzeu Historik Kombëtarë po ristrukturohet dhe po restaurohet pikërisht që ambientet e tij të jenë më të përshtatshme për zhvillimin e një pjese të mirë të kalendarit kulturor që do të shoqëroje vizitën e Papës”, tha Kumbaro.

Vizita e Papa Franceskut në Shqipëri është një ngjarje globale, tha ministrja e cila e nxjerr Shqipërinë nga fshati i vogël dhe e vë atë në hartën botërore të ngjarjeve të mëdha.

“Duam që kjo të jetë një ngjarje e një dite jo një vizitë protokollare po një atmosferë e tërë për të treguar që Shqipëria është tashmë pjesë e këtij itinerari europian të cilën natyrshëm Papa e zgjedh vendin e parë të ndalesës së tij në Europë”, u shpreh ministrja Kumbaro.

Prej një muaji Ministria e Kulturës ka marrë përgjegjësinë për organizimin e pritjes së Papa Françeskut, në resaturimin e tre pikave kryesore të kryeqytetit për zhvillimin e kalendarit kulturor që do të shoqërojë vizita e Papës. Ja ndryshimet që po i bëhen sheshit "Nënë Tereza" për të pritur Papa Françeksun

Redaksia Online
(e.c/shqiptarja.com)

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01